PIA Bohol, HNU Word mihatag sa 

libre'ng writeshop sa Mansasa HS

TAGBILARAN CITY, February 13 (PIA)--Gitanyag na usab sa Philippine Information Agency ngadto sa mga estudyante sa Mansasa High School ang writing workshop alang sa Editorial Writing niadtong Sabado, Pebrero 11.

Sa pagpakig-alayon sa Holy Name University (HNU) kinsa maoy coordinator ug naghatag sa bansay nagdto sa Mansasa High School, gitamud usab sa PIA ang hangyo sa Word.

Uban sa the Word, ang opisyal nga mantalaan sa HNU, gihimo sa PIA Bohol ang libre nga pagbansay alang sa mga sakop sa school publication nga Update.

Kini subay sa tumong nga mabansay ang mga kabataan sa tukmang disiplina sa pagsuwat nga responsable ug patas, ilabi na sa panginahanglan sa panahon nga makabaton ang katawhan sa mga responsable nga maninibya ug manunuwat.

Ang PIA Bohol nagtanyag usab sa mga nagkadaiyang workshop subay sa school organ organization ug production, ubay niining mga nabutyag nga nga mga tumong.

Ang Campus Journalism Seminar Workshop nga nahitabo niadtong Sabado didto sa HNU Engineering lecture Room sa HNU, gitambongan sa 18 ka mga sakop sa Updates, ang opisyal nga mantalaan sa Mansasa High School.

Ang HNU nga gialayon nga writing workshop alang sa mga estudyante maoy labing una nga workshop ning tuig 2017, human usab ang workshops sa Campus Journalism gidala na sa PIA sa mga kalungsuran sa tbuok lalawigan sa Bohol.

Gani, ang maong mga workshop nadala na usab sa lalawigan sa Sugbo, syudad sa Danao ug sa Siquijor dinhi sa Region 7. (rac/PIA-7/Bohol)

Nakakuhag libre nga bansay sa Editorial Writing ang mga sakop sa The Updates, ang opisyal nga mantalaan sa mga estudyante sa Mansasa High School, February 11, pinaagi sa panoingkamot sa Holy Name University The Word, dala na usab sa pagsanong sa PIA sa hagit sa paghatag og bansay alang sa mas responsable nga panibya ug panulat. (rac/PIA-7/Bohol