Procurement process sa mga ahensya 

sa gobyerno, mas gipadali na sa EO 34

TAGBILARAN CITY, July 21--Mahimo nang moderetso sa transaksyon ang mga ahensya sa gobyerno bisan walay approval sa Government Procurement Policy Board (GPPB).

Kini human gilagdaan ni Presidente Rodrigo Roa Duterte ang Executive Order No. 34 nga nagpa-simple ug magpadali sa procurement process sa mga ahensya sa gobyerno.

Nakalatid sa maong EO nga gitugotan na ang mga ahensya sa gobyerno nga dili pangayoan og authorization sa GPPB kun sigurado na ang ilang proposed procurement apil na sa exceptions sa public bidding ug angay ang alternative mode sa pagpalit.

Tuyo usab sa maong EO ang streamlining, mapadali ug mahimong mas episyente ang procurement process sa mga ahensya sa gobyerno. (ecb/PIA7-Bohol)