Pres Duterte: may bag-ong laraw 

ang mga terorista sa Mindanao

TAGBILARAN CITY, Aug. 2 (PIA)—Miuna na pagpahibaw si Presidente Rodrigo Duterte ngadto sa mga senador ug mga kongresista kabahin sa bag-ong laraw sa mga terorista nga manghulga pa, didto sa Mindanao, sumala pa ni Senate Majority Leader Vicente Sotto III.

Sa tulo ka oras nga pagtigum nga gipahigayon sa Malacañang, mi hatag og update ang Presidente kabahin sa estado sa Mindanao pagkahuman nga gi-dasonan sa kongreso ang Martial Law nga molanat hangtod pa sa paghuman karong tuiga.

Midumili si Senador Sotto III na muhatag pa og detalye bahin sa pangutana nga pahinganlan ang mga lugar nga maigo sa bag-ong hulga sa terorismo.

Mi ingon pa usab siya nga atong Presidente ganahan ug bag-ong 20,000 ka tawo sa Armed Forces of the Philippines.

Gihisgotan usab sa pagtigum, ang kontrobersiya sa Bureau of Customs, ang tax reform bill ug ang tanyag sa paguswag sa eleksiyon sa barangay karong umaabot nga Oktubre. (rtctHNUIntern/PIA7-Bohol)

=============

Faeldon magpabilin bisan sa 

kontrobersya sa shabu sa BOC

TAGBILARAN CITY, Aug. 2—Nagpabilin ang pagsalig ni Presidente Rodrigo Duterte sa sa Bureau of Customs (BOC) Komisyoner nga si Nicanor Faeldon. 

Kini bisan pa sa paglusot sa P6.4 ka bilyon nga shabu nga gikan Tsina.

Una na usab nga misuwat si faeldon ngadto sa Presidente aron manduan ang lapas nga imbestigasyon ug ilhon kon giunsa pagpasulod ang drugas ug kinsa ang nagpalusot niini diha sa mga empleyado sa BOC.

Kasamtangang may duha ka imbestigasyon sa Kongreso ang gisugdan kalabut niini samtang mitagaw na usab og pakitabang sa imbestigasyon si Faelden alang sa lahi nga imbestigasyon pinaagi sa World Customs Organization, segun sa mga taho. 

Nag-ingon si Finance Secretary Carlos Dominguez nga ang Presidente nakigkita sad ni Bureau of Internal Revenue Commissioner Caesar Dulay.

“Ang Chief Executive mimandu sa BIR Commissioner nga ipadali ang pagkolekta sa buhis para ma tabunan ang galastuhan tungod sa kalamidad u gang rebelyon sa Marawi” Ingon ni Kalihim Dominguez. (rtctHNUIntern/PIA7-Bohol)

==============

Bagyong Noru mopakusog

sa Habagat, uwan sa nasud

TAGBILARAN CITY, Aug. 2—Mapakusog ang habagat sa nasud, kini dala sa kasamtangan nga dautang panahon nga nasigpatan sa silangang bahin sa nasud. 

Kini maoy gitaho sa Philippine Atmospheric Geophysical and Astronomical Services Administration (PAG-ASA) kaganinang buntag. 

Matud sa PAG-ASA, kini maka-apektar sa tibuok nasud nga gihasi sa Habagat.

Niini, makasinati ang mga lugar sa Metro Manila, Ilocos, Cordillera, Cagayan Valley, Central Luzon, Bicol, Eastern ug Central Visayas, CARAGA, ug Rehiyon sa Zamboanga Peninsula sa hinay hangtod sa kasarangan nga pag-uwan ug pagkilat.

Ang ubang bahin sa nasud madag-omon, ubanan sa pag-uwan og kilat, segun sa weather bureau.

Mipakusog sa habagat ang bagyong ‘Noru’ nga nagtigum pag kusog sa sidlakang parte sa nasud, gawas sa Philippine Area of Responsibility. (rtctHNUIntern/PIA7-Bohol)