305 kaso sa krimen dinhi

nakunhod gikan sa Hunyo 

TAGBILARAN CITY, August 2, (PIA) --Human namenosan on 48 ka kaso sa krimen ang Bohol niadtong Hunyo kon itandi sa buawan sa Mayo, mas makalipay ang 305 ka kaso nga nakunhod pa ning buwan sa Hulyo gikan sa Hunyo. 

Matud sa kapolisan sa Kampo Dagohoy, hingkabat sa 748 ka kaso ang kinatibuk-ang natala sa Bohol niadtong buwan nga puno sa kasaulogan sa mga pista sa Bohol. 

Sa buwan nga liwas sa pista, 700 na lang ka kaso sa krimindalidad ang naka-abut sa mga police crime blotters sa tanang presinto sa kapolisan sa Bohol, segun sa taho sa Kampo Dagohoy. 

Apan sa buwan sa Hulyo, gikan sa unang adlaw ngadto nas petsa 20, mitala lamang ang Bohol og 395 ka kaso, kini matud pa sa taho ni PSupt Vincent Paul Dumaguing didto sa Provincial Peace and Order Council (PPOC) 

Kini usab samtang kinatibuk-ang 43.57% ang krimen nga nakunhod sa katapusang 20 ka adlaw sa Hulyo, matud sa PNP. 

Hinuon, bisan sa nagkunhod nga kriminalidad, nabutyag sa tigum nga delikado pa gihapon ang paglatagaw sa mga kadalanan sa Bohol. 

Segun sa kapolisan, alang sa buwan sa Hulyo, alang sa petsa 1 nagdto sa 20, mikabat nag 114 ka insidente ang nataho nga may kalambigitan sa trapiko. 

Kini sanglit napakita nga may kapin sa usa ka aksidente sa kadalanan ang natala sa Bohol. 

Kinatibuk-ang 174 ka kaso sa physical injuries ang ang natala sa Bohol Police gikan sa Enero ngadto sa Hulyo 20 ning tuig, daghan niini tungod sa abuso sa kadalanan sa mga driver nga walay kabangkaagan sa balaod sa trapiko ug mga suliran nga iya sa sakyanang gimaneho.

Gawas pa, namatikdan usab ang pagtaas na usab sa kaso sa pagpangawat sa motorsiklo, kansang kaso mitala nag 10 sa unang 20 ka adlaw sa Hulyo, segun sa Kampo Dagohoy. (rahc/PIA-7/Bohol)