Ekonomiya sa Pinas 

mo dako pa sa 7% 

TAGBILARAN CITY, Aug. 2 PIA) —Nakita sa Nasudnong kagamhanan nga mahimong molapas pa sa 7% ang pagtubo sa ekonomiya sa nasud. 

Kini kon magpadayon ang malungtarong pagkabawi sa agrikultura ug hapsay nga pagsaka sa industrya ug services nga mopadaku usab sa Gross Domestic Product sa nasud.

kini mao ang gibutyag ni Socioeconomic planning secretary Ernesto Pernia. 

Gipun-an usab niya nga kon magpadayon kini mo hangtud sa tuig 2022, ang GDP madako sa 7% hangtud 8%.

Gipaabut nga itaho na usab sa nasudnon nga kagamhanan sa second quarter GDP karong Agusto 17, segun sa taho.(RRO/HNU intern/PIA7-Bohol)

============

PNP intelligence: may katalian 

ang mga rebelde ug Balik Islam

TAGBILARAN City, Aug. 2 (PIA)—Gibutyag sa hepe sa kapolisan sa National Capital Region ang intelligence reports nga nag-ingon nga nagkahiusa na sa usa ka alyansa ang gikaintapan nga Alex Nongcayao Brigade (ABB) ug ang mga teroristang nag Balik-Islam. 

Matud ni Police Chief Director Oscar Albayalde sa NCR segun sa iltelligence reports, may mga timailhan nga nagbugkos na ang mga sakop sa New People Army (NPA) ug ang hitsquad niining ABB nga gitukod kanhi ni Felimon "Popoy" Lagman. 

Matud pa sa mga datos nga dunay kasabutan ang mga sakop sa Alex Boncayao Brigade, nga nataho nga nagkahilis na, ug ang mga extremists nga nakomberter sa tinuohang Islam o mas nailhang nag balik Islam.

Tungod sa mga panghitabo, ang Philipine National Police mipahingusog sa alarma alang sa seguridad sa Metro Manila.

Hinuon, wala pa makompirmar sa PNP ang katali-an sa mga rebelde ug ang Balik Islam, matud ni Albayalde, subay sa mga taho. (RRO/HNU Intern/PIA7-Bohol)

==============

Laing paryente sa mga 

Parojinog patay na sab

TAGBILARAN CITY, Aug 2 (PIA)—Namatay usab ang usa ka parente sa napatayng Ozamis mayor nga si Reynaldo Parojinog Sr. 

Kahinumduman nga gironda sa kapolisan sa Ozamis City ang panimay ni Mayor Reynaldo Parojinog kauban sa lima pa ka sakop sa banay niini tungod sa ihas nga mga armas. 

Una na usab nga gihinganlan ni Presidente Rodrigo Duterte ang mga parojinog sa ilang pagkahilambigit sa illegal nga pag tulak sa ginadiling droga.

Sa may alas 2:30 sa kaadlawon niadtong Domingo, gikataho nga gisugat sa nagpungasi nga bala ang kapolisan ug ang mga sakop sa Criminal Investigation and Detection Group sa ila na untang pagpatuman sa search warrant sa coumpound sa mga Parojinog. 

Sa una nga pagpahibaw, 15 ang napatay samtang may samaran ang naugkat pa sa mga tinugyanan sa compound sa mga parojinog. 

Matud pa ni Northern Mindanao Police spokeperson nga si Supt. Lemuel Gonda, gi konpirma nga si alyas Daryl ang ika 16 nga napatay sa operation sa compound sa pamilya Parojinog. (RRO/HNU intern/PIA7-Bohol)