Alang sa bagyo nga si #KikoPH

PAG-ASA miisa storm warning

sa upat ka lalawigan sa Luzon

TAGBILARAN CITY, September 5 (PIA)--Giisa na sa weather bureau, ang Philippine Atmospheric Geophysical and Astronomical Services Administration (PAG-ASA) ang pahimangno sa pagpangandam sa bagyo alang sa upat ka mga lalawigan.

Giisa na sa PAG-ASA ang Tropical Cyclone Warning Signal #1 diin, may hangin nga naa sa 30-60kph nga mapaabut sulod sa 36 oras sa mga lalawigan sa Cagayan, Ilocos Norte, Apayao, Batanes ug Babuyan Group of Islands.

Sa pahibaw ng gipagawas ganinang alas 5:00 AM, 05 September 2017, gibutyag nga ganinang alas 4:00 sa buntag, nasigpatan sa PAG-ASA ang sentro sa Tropical Depression (TD) bagyong si "KIKO" nga anaa, subay sa mga kagamitang naniid sa lakat sa panahon nga naa na sa 345 kilometros sa kasubangan nga bahin sa (East of) Casiguran, Aurora (16.7 °N, 125.3 °E)

Dala niiining nahisgutang bagyo ang hangin nga naa sa 55 kph duol sa sentro niini samtang moabut sa 65 kph ang mga kalit nga paghuros.

Ang bagyo nga si #KikoPH nagpadayon sa iyang gikusgon samtang nagsibog paingon sa kinatumyan nga bahin sa Amihanang Luzon.

Sa iyang direksyon, gibanabana nga si #KikoPH magasibug sa direksyon nga kasadpan-AmihanangKasadpan (West Northwest) sa gikusgong 15 kph.

Human sa 24 oras, ugma sa buntag, ang bagyo naa na sa 60 km kasubangan sa (East of) Calayan, Cagayan(19.2°N, 122.0°E), samtang pagka-Huwebes, human sa 48 oras, naa na sa 455 km kasadpan-amihanang-kasadpan (West Northwest of ) Basco, Batanes (gawas sa PAR)(22.3°N, 118.1°E)

Niini, mapaabut ang kasagaran nagdto sa kusog nga bunok sa uwan sulod sa 300 km nga diyamentro sa bagyo.

Sa iyang dagan, gibanabana nag kining bagyo molabay sa tumoy sa northern Luzon sa Miyerkoles sa buntag morning ug kon dili molihis, hayan gawas na sa Philippine Area of Responsibility sa Miyerkoles sa gabii.

Sa laing bahin, angay nga mangandam alang sa panagsang kusog nga bunok sa uwan ibabaw sa northern Luzon sugod karong adlawa.

Kadtong mga nanimuyo sa nahisgutang mga dapit angay magbantay sa posibleng kalit nga pagbaha, ug pagbalas nga magka-angin sa pagdahile sa yuta.

Mamahimong moabut sa 1.25 ngadto sa 4 metros ang kadagkoon sa bawod nga dala ning bagyo didto sa mga kalawron, segun sa PAG-ASA.

Tungod niini, ang pagbyahe sa kadagatan delikado ilabi na sa kasubangan nga bahin sa kadagatan sa northern ug central Luzon dala niining nagsingabut nga bagyo. (rahc/PIA-7/Bohol)