Mga lugar diin mahimong manigarilyo,  

gitumbok sa DILG ug DOH

 

MANILA, Sept.  6 (PIA)--Nagdala og kalibog sa uban ang implementasyon sa nationwide smoking ban, ilabi na kun asa man ang mga designated smoking areas sa mga kalungsoran.

Tungod niini, gipasabot ni Department of Interior and Local Government (DILG) Asst. Sec. Epimaco Densing nga bisan may mga smoking zone ang usa  ka establisimento o dakbalay, may mga open spaces paman diin mahimong manigarilyo ang usa  ka indibidwal.

Matud pa ni Densing nga ang mga local government units ang maoy magpatuman sa balaod.

Una nang gipasabot sa Department of Health nga ang usa  ka syudad o lungsod adunay nagkadaiyang ordinansa kalabot sa smoking ban nga angay sundon.

Kahinumdoman nga gipahayag kaniadto ni DOH Kalihim Paulyn Jean Ubial nga ang buhatan sa DILG ang adunay responsibilidad sa hingpit nga pagpatuman niining balaod ug angay nga adunay mga smoke-free task force ang mga LGUs.

Samtang nagpahinumdom og balik ang DOH sa publiko nga itawag lamang sa ilang hotline ang mga makitang dili mosunod niining balaod. (ecb/PIA7-Bohol)