Alay Lakad 2017 andam na

modawat sa mga donasyon

TAGBILARAN CITY, Sept 5 (PIA)--Mosugod nag panawat ang Alay Lakad 2017 Committee sa mga donasyon alang sa Walk for A Cause nga himoon sa Domingo pohon, Septembre 10.

Kini maoy pahibaw nga gibungat ni Alay Lakad 2017 executive officer ug Tagbilaran Lions Club president Jerry Lim didto sa katapusang tigum sa komitiba didto sa Sayas Restaurant Sept 5. 

Kini samtang gipahiluna na ang mga kalihukan sa pagtigum og pundo alang sa City Social Welfare and Development alang sa mga proyekto niini abag sa mga kabatan onang kabus. 

Nag unang tinubdan sa pundo ang Alay Lakad, alang sa 10 ka mga city scholars: mga utokan ug may abilidad apan kabus nga hingkabsan sa pinansyal nga ikagasto alang sa ilang pag eskwela.

Sa Alay Lakad 2016, nalista alang sa top 10 donors ang City DepED Division, Bohol Institute of Technology International College, DepED Bohol Division, City Government of Tagbilaran, Bohol Bankers Association, Bohol Island State University Main Campus, Governor's Office, Tagbilaran City Fire Station, Agricultural Training Institute Regional Training Center 7, ug ang Holy Name University. 

Ang mga nalitok, modawat usab sa ilang mga plake isip sertipiko karong Dominggo, sa ilang tabang alang sa mga kabus sa syudad. 

Buot sa mga tigpasiugda sa Alay Lakad 2017 nga tupngan og di man ugaling malabwan ang kapin sa P267 mil nga natigum niini niadtong kalihukan sa 2016. 

Kasamtangan nga gigastohan sa Alay lakad sila Roan Sumalinog, Gian Marini Pocoy, Februaryn Zamora, Mary Lynn Bulasa, Darah Relamida, Sebandal Joy Jean, Semandal Jessa mae, Solis Estephanee, Cagogo Me Jene ug Jumawid April Joyce. 

Gani, magbukas na usab og laing slots alang sa dugang mga eskolar sa Bohol, segun ni Administrator Edi Borja kinsa mitambong sa ngalan ni Alay Lakad Chairman City Mayor John Geesnell Yap. 

Ning tuiga, kon may igo nga pundo nga matigum gikan sa walk for a cause, dungagan og 6 ka buok scholars, duha niini, pilion sa kinatibuk ang Bohol, dugang ni Borja. 

Tulo ka bahan ang dungan nga mogikan sa Sept 10 Domingo nga langkuban sa mga bahan nga unhan sa mgabempleyado ug opisyal nasudnong mga ahensya, kagamhanan sa lalawigan, kagamhanan sa syudad, mga tunghaan sa Tagbilaran ug mga kahugpungan. 

Mogikan ang bahan pangunahan sa Provincial Government didto sa Tagbilaran City Hall paingon sa CPG Sports Complex agi sa M. Torralba gate sa alas 4:45 sa sayong buntag. 

Gikan usab sa Bohol Wisdom School ang bahan nga pangulohan sa mga Buhatan sa nasudnong Kagamhanan didto sa Bohol Wisdon School paingon sa CPG Sports Complex sa susamang oras ug adto moagi sa DCPNHS main gate sulod sa Complex

Ang City government maoy manguna sa ika tulo nga bahan ug adto magtapok sa Petron Gasoline Station sa Burgos duol sa Three Stones, ug mosubay sa CPG Avenue sulod sa Complex subay sa Mian Gate duol sa BISU. (rahc/PIA-7/Bohol)