EO 39, gilagdaan ni Duterte

MANILA, Sept. 7 (PIA)--Gilagdaan ni Presidente Rodrigo Duterte ang Executive Order (EO) No. 39 nga naghatag og mandato sa kalihim sa Department of Energy (DOE) isip ex-officio chairman sa Board of Directors sa Exploration Corporation ug Renewables Corporation sa Philippine National Oil Company (PNOC).

Ang maong EO gilagdaan nila Duterte ug Executive Secretary Salvador Me­dialdea niadto lamang Setyembre 5 ning tuig.

“The Secretary of the Department of Energy shall be the ex officio Chairman of the Board of Directors of both the PNOC-EC and the PNOC-RC. The Department of Energy, PNOC, PNOC-EC and PNOC-RC shall in the most expeditious manner allowed by existing laws and rules, undertake all such actions as may be necessary to implement the provisions of this Order, which may include the amendment of the company by-laws of the PNOC-EC and the PNOC-RC,” nakalatid sa EO 39.

Base sa Presidential Decree (PD) No.334 ang pagmugna sa PNOC isip government-owned and controlled corporation (GOCC) may nag-unang katungdanan sa pagdumala sa mga tran­saksiyon nga may kalabotan sa oil o petroleum operations ug uban pang energy resources. (ecb/PIA7-Bohol)

================

80 ka mga bag-ong polis gikan

PRO-7, gi-deploy sa Bohol

TAGBILARAN CITY, Sept. 7 (PIA)--Kinatibuk-ang 80 ka mga bag-ong polis gikan sa Police Regional Office 7 ang gi-deploy dinhi sa lalawigan sa Bohol agi sa hangyo nga ipatukpaw ang pwersa sa kapolisan ning lalawigan ilabi na sa mga lugar nga ginabisita og daghang mga tawo. 

Matud pa ni Tagbilaran City Police Office (TCPO) acting Chief Supt. Patricio Degay Jr., sobra sa katunga sa maong field training officers gikan PRO-7 ang gibutang karon ning syudad sa Tagbilaran.

Dugang pa ni Degay, 42 sa maong mga polis ang naa na karon sa syudad sa Tagbilaran samtang ang nahabiling 38 gi-deploy sa lungsod sa Tubigon.

Matud pa nga ang syudad sa Tagbilaran ug lungsod sa Tubigon maoy natumbok nga mga lugar isip mga ‘largely populated areas’ nga nanginahanglan og dugang police units tungod sa daghang establisimento sa mga negosyo nga nahimotang sa maong mga dapit.

Gipasabot pa ni Degay nga ang maong mga field training personnel mga ‘unarmed’ ug ibutang lamang sa mga key areas taman alas 5 sa hapon.

Apan gi-ila niini ang maong augmentation sa pwersa sa kapolisan nga dakong tabang sa pag-mintinar sa kahusay ug kalinaw sa lalawigan ilabi na sa umaabot nga panahon sa Pasko. (ecb/PIA7-Bohol)