Unom sa napulo ka kaso

sa Oct na clear sa police 

TAGBILARAN CITY, November 10 (PIA)—Unom sa napulo ka kaso nga gi-imbistigahan sa kapolisan sa Bohol Provincial Police Office (BPPO) sa buwan sa Oktubre ang na clear na, segun sa taho sa Provincial Peace and Order Council (PPOC).

Sa ilang taho sa crime clearance efficiency (CCE), ang BPPO pinaagi sa ilang deputy chife of operations nga si PSupt Jonathan Satentes, mibutyag nga sa 485 ka kasong ilang giimbistigahan sa October, 297 o 61% niini ang gikadeklara na nga cleared.

Sa CCE, gipasabut sa kapulisan nga sa usa ka kaso nga ilang gitutokan, nailhan na ang suspetsado niini, ug maoy hinungdan nga gipasakaan nag kaso bisan pag ang suspitsado wala pa masikop og wala pa masiloti sa usa ka korte nga nagtaral niini. 

Ang CCE lahi ra usab sa crime solution efficiency (CSE), matud sa kapulisan. 

Ang CSE nagtumbok niadtong hain ang mga suspitsado sa krimen nga giimbestigahan nailhan na, nadakpan ug naduso na ang kaso tugbang sa salaud nga nabuhat. 

Hinuon ang CSE wala manginlabut kon ang nabilanggo ug nag-atubang sa tukmang kaso, nasilotan na ba sa korte human mapamatud-i nga sad-an. 

Sa 485 ka kaso nga natala sa police blotters sa Bohol gikan sa Oktubre 1-25, 194 lamang ka kaso ang nasolbad sa kapolisan.

Ang 194 maoy 40% sa tanang kaso nga gisolbad sa BPPO, matud ni Satentes kinsa nagbasa sa iyang presentation atubangan sa kapin sa 40 sa 60 ka sakop sa PPOC.

Sa milabay nga duha ka buwan, ang BPPO mitala sa mas taas pa nga CSE. 

Sa 690 ka kaso nga gitutokan sa BPPO sa Agosto, gikadeklara nga nasolbad ang 439 ka kaso, nga tugbang na sa 64% CSE.

Sa pagka Septembre, nakuha na usab sa BPPO ang 63% CSE, dihang nasolbad ang 391 sa 619 ka kasong gisumbong, segun sa mga taho sa Provincial Intelligence and Detection Management Bureau. (rahc/PIA-7/Bohol)

Ang kapolisan sa Bohol ubos pagpangulo ni PSSupt. Felipe Natividad mitala sa gidak-ong 60 persento sa "Crime Clearance Efficiency" sa mga suspetsado sa labing nailhang mga salaud ug gipasakaan og kaso bisan pa sa pagbalhin sa "Anti-Drugs war ngadto sa PDEA. (rahc/PIA-7/Bohol)