SSS may bag-o'ng gisagop 

nga payment schedules 

TAGBILARAN CITY, May 7 (PIA)--Nia na'y bag-o nga schedule kanus-a kinahanglang mobayad ang mga sakop sa Social Security System (SSS). 

Agi og tuban sa hangyo sa mga employer ug nag sakop niini, ang SSS mipausab karong bag-o lamang sa ilang mga schedules sa bayranan alang sa mga binuwan o quarterly nga hulog, nga ipasunod sugod sa buwan sa Enero ngadto sa Hunyo ning tuiga, hangtud na nga dili pa kini mapausab. 

Pinaagi sa SSS Resolution No. 361-s.2018, ang Social Security Commission mipa-usab sa schedule sa bayranan subay ning mosunod: Alang sa mga employers, ang kasamtangan nga deadline sa ika 10, ika 15, ika 20, ug ika 25 ug katapusan adlaw sa buwan human sa buwan nga bayranan subay sa ika napulo nga numero sa 13-digit Employer No. gipasibud na ngadto sa katapusan sa sunod nga buwan nga bayranan. 

Pananglit: kon ang deadline sa bayranan sa employer sa iyang responsibilidad sa hulogan sa buwan sa Marso 2018, una nga tinglon unta sa April 10, 2018, dili na kini multahan pa kon iya kining kabayran hangtud sa katapusan sa buwan, o April 30, 2018.

Sa sama nga sitwasyon, alang sa mga self-employed ug voluntary members, mahimo usab nga sa katapusan na sila mobayad sa ilang bayronon sa nag-una nga buwan subay sa ilang binuwan o kwarterly nga kontribusyon, bisan pag una sang ilang katapusang digit sa ilang individual nga numero isip membro sa SSS. 

Pananglitan, kon ang individual members pakyas pagbayad sa ilang Marso 2018 o Enero ngadto sa Marso nga bayronon subay sa ilang unang tingbayad, mahimo pa kini nilang apson og bayad sa Abril 30, 2018.

Matud sa SSS, ang revised payment schedule gipatuman dala sa kausaban sa system infrastructure adjustments nga apektado na sa Real-Time Posting of Contributions (RTPC) program sa ahensya.

Tunod usab niini, ang mga silot nga napataw na sa mga employers, subay sa bag-ong payment deadlines, mahimo na nga mga refund, dugang sa SSS. 

Sa katapusang ihap niadtong Diyember 2017, ang SSS aduna nay kapins a 960,000 ka registered employers ug kinatibuk-ang 8.63 milyones ka sakop nga narehistro isip voluntary o self-employed members. (rahc/PIA-7/Bohol/SSS)