DOE mipaneguro nga may igong 

korente, di mabalda ang pinili-ay 

TAGBILARAN CITY, May 7 (PIA)-- Adunay igo nga tinubdan sa koryente ug dili kini makabalda sa himoong piniliay sa Barangay ug Sangguniang Kabataan sa Mayo 14. 

Kini maoy gipasalig ni Department of Energy (DOE) Secretary Alfonso Cusi sa miaging semana dungan sa pagtigum sa Task Force on Energy Resiliency (TFER). 

Una na nga gitigum sa DOE ang TFER aron unhan pagsapal ang mga posible nga suliran sa adlaw sa pinili-ay ug sa mga adlaw nga nagpangandam alang niini. 

Ang TFER naglakip sa pito ka ahensya: ang DOE, National Electrification Administration, National Power Corporation, National Transmission Corporation, National Grid Corporation of the Philippines, Philippine National Oil Company ug ang Power Sector Assets and Liabilities Management Corporation. 

Atul sa nahisgutang tigum nga gipatawag sa DOE, gi-imbitar usab sa Task Force and bahan nga nagpatuman sa nasudnong seguridad sama sa National Security Council, Armed Forces of the Philippines, Philippine National Police, Bureau of Fire Protection ug ang Philippine Coast Guard. 

Gipasabut ni DOE Undersecretary Jesus Cristino Posadas nga kinahanglan gayud nga adunay igo nga tinubdan sa koryente nianang mga adlawa ug dili kini mapalta tungod kay dinhi usan nasandig ang mga buhaton sa kagamhanan ilabi na sa panahon sa pinili-ay. 

Og tungod kay kini usa ka nasudnong nga concern, gidason ni Posadas nga ang TFER ug ang mga sakop niini nga mga ahensya magsuporta sa Administrasyong Duterte sa pagkab-ot sa gawasnon, matinud-anon og walay gubot nga pinili-ay alang sa katuohan nga piniliay. 

Gidugang ni Posadas pagpasabut nga kinahanglang adunay hugot nga pagtinabangay ug pagtambayayongay sa mga ahesya sa kagamhanan aron makapatuman sa mga lakang sa pagpakunhod, kon dili man ugaling hingpit nga kapungan ang mga kasamok samtang ang kadaghanan sa Pilipinas, mogawas nianng mga adlawa aron pagtuman sa ilang mga gimbuhaton sa panahon sa pinili-ay karong umaabut Mayo 14. 

Dugang pa sa DOE, magtukod kini og Energy task Force mga apilan sa mga sakjo sa banay sa energy, mga lakip sa security group aron tubagon lamang ang kahimtang kon mawad-an og koryente atul sa politikanhong kalihukan. 

Sa Mayo 7, usa ka semana sa dili pa ang pili-ay, ang Energy Team mitambong usab sa command conference sa Commission on Elections kauban ang mga nakadaiyang ahensya sa kagamhanan aron dungagan ang pangandam alang sa politikanhong kalihukan. (rahc/PIA-Bohol/DOE)

Gipanaguro ni DOE Sec Alfonso Cusi nga dili mahingawa ang mga katawhan tungod sa brown-out unya sa pili-ay. May igo nga supply ug magtabang ang mga ahensya aron ipaneguro nga gawasnon, matinud-anon ug katuohan ang piliay, matud sa DOE. (rahc/PIA-7/DOE)