PCO Net, gilusad sa Bohol
aron batokan ang mga ‘fake news’
TAGBILARAN CITY, June 22
(PIA)--Gipangunahan mismo ni Presidential Communications Operations Office
(PCOO) Kalihim Martin Andanar ug Philippine Information Agency (PIA) Director
General Harold Clavite ang paglusad sa Provincial Communication Officers
Network (PCO Net) ug Kampanyang ‘Dismiss Disinformation’ sa lalawigan sa Bohol
karong adlawa, Hunyo 22.
Ang paglusad gihimo sa
Bohol Tropics Resort sa syudad sa Tagbilaran diin gitambongan kini sa gatosan
ka mga tigpamaba sa mga lokal nga kagamhanan ug nasudnong buhatan sa gobyerno
sa lalawigan, mga Sangguniang Bayan secretaries, representante sa sektor sa
kabataan ug mga miyembro sa media.
Matud pa ni Andanar nga
tuyo sa kampanyang ‘Dismiss Disinformation’ nga batokan ang pagkatap sa mga
pekeng balita o ‘fake news.’
Giingong pinaagi sa PCO
Net, malikayan ang pagkatap sa mga pekeng balita tungod kay sakop man niini ang
tanang information officers nga makatabang sa pagbatok sa mga balitang dili tinuod.
“When we go against fake news, we are doing service to ourselves, to our
society and the next generation (Kun
atong batokan ang pekeng balita, naghimo kita’g serbisyo sa atong kaugalingon,
sa atong katilingban ug sa mosunod nga henerasyon), matud pa ni Andanar.
Si PCOO Director Ma.
Florinda Princess Duque miingon usab nga ang PCO Net gipanglantawan isip
usa ka network sa mga tigpakatap og
balita gikan sa gobyerno nga adunay direktang akses ngadto sa Office of the
President pinaagi sa PCOO.
Samtang sa iyang hinapos
nga mensahe, si Clavite mi-awhag sa mga nitambong sa pagpangita og paagi asa
kita makatabang. Kini tungod kay ang problema sa pekeng balita, usa ka problema sa public information, dili
lamang problema sa PCOO, PIA ug sa gobyerno sa kinatibuk-an. Problema kini sa
tanan mao nga kinahanglan kining seryosohon.
“It’s very important for us to find where we can help. This is a problem
of public information, this is not just a problem of PCOO, PIA and government
in general. This is everybody’s problem and so we need to take this seriously,”
matud pa sa Director General sa PIA. (ecb/PIA7-Bohol)
No comments:
Post a Comment