SSS padayong nagduso sa 

Pagpausob sa SSS Charter 

TAGBILARAN CITY, Bohol, August 22 (PIA)—Padayon pa nga nilihok sa Social Security System (SSS) ngadto sa Senado aron ikaduso na ang lakang pag-usab sa charter sa SS ug kapalapdan na ang mga masakop niini aron pugos na masakop ang mga Overseas Filipino Workers (OFWs). 

Ang labing dako nga katuyu-an niini, mao gayud ang paghatag sa katilingbanon nga pagnalipud sa seguridad and mga giisip nga mga bag-ong bayanio sa nasud, pasabut ni SSS President ug Chief Executive Officer Emmanuel F. Dooc. 

Lakip sa gitukbil sa pagpa-usab sa charter sa SSS mao ang pagpalig-on sa hugot nga pagpatuman sa pagpasunod coverage sa mga employers ug empleyado sa pribado nga sector, lakip na ang pag-aghat sa mga self-employed individuals ug voluntary nga sakop sama sa OFWs pagparehistro ug mahimong active sa Sistema, dugang ni Dooc. 

Kini samtang ang Philippine Statistics Authority (PSA) nakapakita nga mikabat na sa 3.84 milyones ang OFW. 

Niini, dugang sa PSA, mga kapin kon kulang 20 % lamang niini ang mga sakop sa SSS nga may kasibut sa pagbayad sa mga kontribusyon. 

Wala pa niini maapil ang mga OFW nga giingong temporary nga nanarbaho sa laing nasud, butyag sa mga kasayuran gikan sa Commission on Filipinos Overseas (CFO). 

Gipasabut sa SSS nga isipon nga OFW ang us aka Pinoy nga gi-recruit sa Pilipinas sa us aka langyaw nga amo aron patrabahoon didto ug adto una manimuyo. 

Kahinumduman nga karon nga wala pa mapausab ang SSS Charter, boluntaryo pa gihapon ang pamaagi aron makapamemberop ang OFW sa SSS ug mahatagag coverage. 

Hinuon, daghan usab ng OFW nga sakop na nga daan saw ala pa molangyaw apan naputol lamang ang paghatag sa kontribusyon. 

Seginb sa SSS, ang usa ka OFW nga may SS number na, mahimong motiwas og hatag sa kontribusyon pinaagi sa Form RS-5 diin iya ra nga butangan og tsek ang box sa OFW, ug ibutang ang iyang SSS number. 

Niini, pasabut sa SSS, ang pagpost sa kontribusyon makapausab na usab sa membership status ngadto sa OFW. 

Dugang nila, kadtong OFW nga wala pa makadawat sa SS number kinahanglang mag-accomplish ug magduso sa Overseas Worker Record (SS Form OW1), magduso sa original o certified true copy ug photocopy sa hain man sa duha nga government issued IDs. 

Kong nasakop na ang OFW, kinahanglan na usab nga magbutang og binuwan o kwarterly nga kontribusyon gamit ang Contributions Payment Return (SS Form RS-5). 

Alang sa OFWs, ang minimum Monthly salary Credit (MSC) karon gipadak-an na gikan sa P3 mil ngadto sa P5 mil. 

Gani, aron mapasayon, ang self-employed ug voluntary members mahimong mopa-enrol sa Auto-Debit Arrangement System nga magtugot sa kinas-a nga enrollment sa bank account sa sakop aron ipaagi na sa automatic payment sa binuwan nga SSS contributions ug bayad sa huwam, kon aduna man. 

Kini nga mga sabut-sabut bukas sa United Coconut Planters Bank, BDO, Bank of the Philippine Islands, Metropolitan Bank and Trust Co., Philippine National Bank, Philippine Savings Bank, Development Bank of the Philippines ug sa First Consolidated Bank sa Bohol. (rahc/PIA-7/Bohol)