DOH miklaro: Wala pa’y na-detect nga

bag-ong COVID-19 variant sa Pilipinas

 

TAGBILARAN CITY, Jan. 4 (PIA)--Giklaro sa Department of Health (DOH) nga wala pa’y na-detect nga bag-ong coronavirus disease (COVID-19) variant sa Pilipinas.

 

Kini hangtod niadtong adlaw’ng Sabado, Enero 2.

 

Sa gipagawas nga pahayag, giklaro sa DOH nga karong adlawa, Enero 4 pa sugdan ang himuong  “genome sequencing” sa mga specimen sa mga pasaherong gikan sa mga nasod nga may kumpirmadong UK variant  nga nagpositibo sa RT-PCR.

 

 “This is to clarify that as of Jan. 2, 2021, the Phi­lippine Genome Center has not detected the UK variant in the country. All RT-PCR positive specimens from the countries with confirmed UK va­riant are to undergo genome sequencing beginning Monday, Jan. 4, 2021,” matud pa sa gipagawas nga pahayag sa DOH niadtong Sabado.

 

Giseguro usab sa DOH nga nakig-alayon sila sa mga hingtungdang ahensya aron masiguro ang mas hugot nga kontrol sa matag port of entry sa nasod.

 

Gi-awhag usab ang publiko nga ipadayon ang pagsunod sa minimum public health standards.

 

“We urge everyone to keep practicing the minimum public health standards – the only universally effective protocol against any mutation, variant, or strain,” awhag pa sa DOH.

 

Una nang na-detect ang bag-ong variant sa COVID-19 sa Taiwan niadtong kataposang semana sa Disyembre. (ecb/PIA7-Bohol)

Mipagawas og pahayag ang DOH nga wala pa’y na-detect nga bag-ong COVID-19 variant sa Pilipinas sukad niadtong adlaw’ng Sabado, Enero 2. Giklaro usab niini nga karong adlawa, Enero 4 pa sugdan ang himuong  “genome sequencing” sa mga specimen sa mga pasaherong gikan sa mga nasod nga may kumpirmadong UK variant  nga nagpositibo sa RT-PCR. (DOH)