Libreng COVID-19 bakuna alang sa mga 

residente sa syudad sa Tagbilaran karong 2021 

TAGBILARAN CITY, Jan. 6 (PIA)--Ang kagamhanang lokal sa syudad sa Tagbilaran mohatag og libreng bakuna batok sa coronavirus disease 2019 (COVID-19) alang sa tanang residente niini. 

Sa iyang Facebook post niadtong Martes, Enero 5, 2021, si Tagbilaran City Mayor John Geesnell “Baba” Yap II mibutyag nga ang pondo alang sa COVID-19 naapil na sa budget sa syudad ning tuiga. 

Apan wala gibutyag sa Mayor kun pila ang kantidad nga gigahin sa kagamhanang lokal sa syudad gikan sa savings alang sa COVID-19 vaccination program. 

“Na apil sa City Government of Tagbilaran ang budget para sa Covid Vaccine karong 2021. Kani e hatag nga LIBRE. Unahon nato ang mga SENIOR CITIZENS sa Tagbilaran City, matud pa sa FB post ni Yap. 

Ang mga senior citizens ug ang mga daling matakdan ang prayoridad nga grupo ning vaccination program sa syudad. 

Gi-awhag ni Yap ang mga senior citizens sa syudad nga interesadong magpa-bakuna sa pagpa-rehistro una pinaagi sa pag-text sa ilang pangalan, senior citizen ID number ug address ngadto sa contact person nga gi-assign matag barangay sa syudad diin sila nagpuyo. 

“Mag Pre-register ta og una sa willing magpa bakuna nga senior citizen. Palihug e text ang inyong ngalan, Senior Citizen ID number, og address, sa mga numbers nga naa sa picture og asa nga barangay na belong, awhag pa ni Yap sa iyang FB post. (ecb/PIA7-Bohol) 

Gi-awhag ni Yap ang mga senior citizens sa syudad nga interesadong magpa-bakuna sa pagpa-rehistro una pinaagi sa pag-text sa ilang pangalan, senior citizen ID number ug address ngadto sa contact person nga gi-assign matag barangay sa syudad diin sila nagpuyo. (Baba Yap FB)