Pugos nga protocols sa gikan sa mga 

nasud nga may COVID-19 variant

TAGBILARAN CITY, Bohol, Dec. 28 (PA) -- Pugos nga 14 ka adlaw nga quarantine didto sa pasilidad sa New Clark City, sa mga mosulod sa nasud nga nagagikan sa mga nasud nga may gikataho nga kaso sa bag-ong matang sa coronavirus disease (COVID-19).

Gani, segun sa sugyot sa Inter Agency Task Force on the management of Emerging Infectious Diseases (IATF-EID) kini, bisan pa kon mo pasar sila sa ilang obligasyon nga makapakita sa negatibo nga resulta sa Reverse Transcription Polymerase Chain Reaction (RT-PCR). 

Kining tanan subay sa temporaryo una nga pagpa-undang sa mga byahe gikan sa United Kingdom ngadto sa Pilipinas, segun sa Department of Health (DOH), ug subay sa desisyon sa IATF-EID Resolution No. 90, nga nagsugyot sa travel ban taman sa Disyembre 31, 2020.

Niini, sa pagka karon, kadtong mga mingbyahe o nagagikan sa Hong Kong, Singapore, Australia, South Africa, ug Japan gipangayoan na og pugos nga kwarantina sa 14 k adlaw, bigan pa mo negatibo sila sa COVID sa RT PCR testings, segun sa DOH.

Kuyog usab niini, ang DOH dupot nga nagtutok sa tanang nasud nga may dokumentado nga kaso sa bag-ong matang sa COVID-19.

Gani human sa nasampit nga aksyon sa IATF, giaprobahan na usab ni Presidente Rodrigo Duterte ang lugway nga travel ban ngadto sa laing duha ka semana.SUSPENDIDO NA. Bisan pa kon suspendido na ang mga byahe gikan sa UK paingon sa Pipilipinas, pugos pa gihapon ang 14 ka adlaw nga paglaming sa mga gikan sa nasud nga addunay gikataho nga kaso sa bag-ong variant sa COVID-19, segun pa sa DOH. Walay makagawas sa New Clark City COVID-19 facility kon dili makakompleto sa 14 ka adlaw nga kwarantina. (PIA Bohol) 

Segun sa gihapon sa DOH, ang tanan nga positibo sa RT-PCR nga mga samples ilabi na naidtong gikan sa United Kingdom, ginaduso na ngadto sa Philippine Genome Center, Research Institute for Tropical Medicine, ug sa University of the Philippines National Institutes of Health alang sa proseso nga gitawag og genome sequencing aron mapalig-on pa ang biosurveillance sa nasud.

Una na usab nga gisugyot sa DOH, subay sa rekomendasyon sa iyang mga batid, nga timbangtimbangon og maayo ang paghimo sa pagpugong sa pagdawat sa mga byahe gikan sa mga nasud nga may natala nga bag-ong matang sa COVID-19 ilabi na kon may mga gikataho na nga local transmissions didto.

Nunot usab niini, gidason sa DOH ang kamahinungdanon sa pagtamud sa minimum public health standards (MPHS) pinaagi sa gibatasan nga pagpanghunaw, pagtuman sa maayong kina-iya sa pag-ubo ug pagpanghatsi, saktong paagi sa pagsuot sa face mask ug face shields, physical distancing sa usa ka metros ang kalay-on u gang pagseguro nga ang lugar nga pundohan, adunay igo nga air circulation. (rahc/PIA-7/Bohol)