Bakuna sa COVID-19 kinahangan

may EUA sa dili pa ipagamit

TAGBILARAN CITY, Bohol, Dec. 28 (PIA) -- Natural did-an sa nasud ang illegal nga pagsulod sa mga bakuna nga walay pagtugod sa Food and Drugs Administration (FDA).

Kini ang pagpatin-aw sa kagamhanan human gipasanginlan nga nagdumili sa pagpasulod sa mga bakuna ang mga tinugyanan sa nasud.

Segun sa mga patakatan, ang mga kompanya nga nanag-iya sa mga bakuna nga maosulod sa nasud, kinahanglan pa nga matugotan sa nasud human makakuha sa pagtugot, nga gitawag og Emergency Use Authorization (EUA) alang sa ilang mga bakuna batok sa COVID-19 dinhi sa Pilipinas.

Nunot niini, si Presidential spokesperson Harry Roque mipadayag nga si FDA Director-General Rolando Domingo mibutyag ngadto sa mga sakop ka kabinete ni Presidente Duterte sa tigum niini sa Malacañang nga ang kompanya nga Pfizer miduso na sa ilang aplikasyon sa FDA alang sa EUA niadto pang Disyembre 23.

Matud pa sa usa ka pahayag ni Sec Roque, “Mokabat pa sa 21 ka adlaw ayha pa ang FDA makahimo og pagtimbang timbang aron kaaprobahan ang application sa EUA, apan bisan pa kon maaprobahan na, dili dayon makasugod ang paggamit sa bahuna hangtud nga mahidangat na kini sa nasud.

Iyang gipasabut nga ang pagbaton sa UEA sa Pilipinas pinaagi sa FDA, magtugot nga ang bag-ong nakaplagan nga bakuna gamiton sa Pilipinas.

Segun pa sa FDA, ang tanang kompanya nga aplikante sa EUA, kinahanglang maglatag sa FDA sa mga dokumentos ug pagtuon lakip na ang mga UEA nga nakuha usab sa kompanya gikan sa mga nasud nga didto gihimo ug gipagamit na ang bakuna, sa dili pa kini ikapagamit sa Pilipinas.

Kini nga mga datus maoy gamiton sa FDA sa ilang paghatag sa pagtugot.

Segun pa sa FDA, human sa 21-28 ka adlaw nga pagtimbangtiimbang sa mga eksperto sa nasud, matugotan na kini sa Enero pohon apan nagtuo ang kadaghanan nga sa Marso na gyud kini makasugod sa pagpangbahuna human ika deliver nganhi ang bakuna.

Kini usab nga timeline haum sa gimandu ni Presidente Rodrigo Duterte nga nag mga bakuna kinahanglan nga ania na ug magamit na sa dili pa ang ikaduha nga kwarter sa 2021

Gani, gibutyag usab ni Se. Roque sa una pa nga ang Pilipinas moangkat sa SinoVac nga gikan sa China's Sinovac, sa Pfizer gikan sa US, sa AstraZeneca nga gikan sa Britanya ug sa Sputnik V nga gikan sa Russia.

Kasamtangan nga may 2.6 ka milyon ka dosage na ang nasabut sa Pilipinas samtang nagpadayon na usab ang mga pre-purchase procedures sa ubang bakuna, segun pa ni Sec Roque. (rahc/PIA-7/Bohol)