Upat ka bag-ong balaod 

gilagdaan ni PRRD 

TAGBILARAN CITY, Jan. 7 (PIA)--Gilagdaan ni Presidente Rodrigo Roa Duterte ang upat ka balaod apil na ang Republic Act No.11509 o ang Doktor Para sa Bayan Act. 

Tumong niining balaod nga itukod ang medical scho­larship ug moalagad sa nasod ang mga makalampos nga estudyante. 

Hatagan og prayoridad sa balaod ang mga kwalipikadong aplikante sa mga probinsya nga walay doktor ang gobyerno o government physicians aron masiguro nga magbaton og bisan usa ka doktor sa matag munisipalidad sa nasod. 

Gilagdaan usab sa Presidente ang balaod kalabot sa Alternative Learning System sa basic education alang sa mga out of school nga mga kabataan, mga special cases, adults, ug mga indigenous peoples (IPs). 

Kini ang Republic Act No.11510. Gigarantiya niining balaod ang ‘equitable access’ alang sa tanang mga learners kauban sa mga learners nga nagpuyo sa mga lugar nga lisod maabot ug ubang “conflict-affected communities.” 

Gilagdaan usab ni Duterte ang Republic Act No. 11511 diin gi-amyendahan ang Section 2 sa Republic Act No. 10068 o ang Organic Agriculture Act of 2010. Gi-update ang Section 2 ug gidugang ang pagsaka sa kitaon sa mga mag-uuma ug pag-promote sa food self-sufficiency sa declaration of policy. 

Katapusang gilagdaan sa Presidente ang Republic Act No. 11517 diin gitugotan ang Presidente sa Pilipinas nga paspasan ang processing ug issuance sa national ug local permits, licenses, certification sa panahon sa national emergency o anti-red tape law. (ecb/PIA7-Bohol) 

Usa sa upat nga gilagdaang balaod ni Presidente Duterte ang Republic Act No. 11509 o ang “Doktor Para sa Bayan Act,” nga maghatag og medical scholarship ug return service program alang sa mga kabos apan angayan nga mga Pilipinong estudyante sa mga state universities ug colleges o private higher education institutions. (PCOO)