BIR nipasidaan batok

sa pekeng TIN cards

TAGBILARAN CITY, Feb. 11 (PIA)--Nipasidaan ang Bureau of Internal Revenue (BIR) sa publiko nga dili motuo sa nikatap nga post sa Facebook nga nagtanyag og serbisyo sa pagkuha og Tax Identification Number (TIN) ug TIN card.

Gipahibalo sa ahensya nga alang sa kasayoran sa tanan, dili kini awtorisado ug wala gitugot sa BIR.

Gi-awhag ang publiko nga dili magpadala niining ilegal nga transaksyon sa social media tungod kay gidili kini sa balaod.

Ang bisan kinsang masakpang naghimo niini mapahamtangan sa tukmang silot nga gilatid sa balaod.

Giklaro sa buhatan nga ang TIN card wala ginabaligya ug ang BIR lamang ang awtorisadong mag-isyu niini.

Matud pa sa BIR nga illegal ang pagbaligya og TIN cards online. (ecb/PIA7-Bohol)

Giklaro sa BIR nga ang TIN card wala ginabaligya ug ang BIR lamang ang awtorisadong mag-isyu niini. (BIR/PIA7-Bohol)