Schedule sa LEPT,

gisibog sa Sept. 2021

TAGBILARAN CITY, Feb. 11 (PIA)--Gisibog sa Professional Regulation Commission (PRC) ang schedule sa Licensure Examination for Professional Teacher (LEPT) ngadto na sa Setyembre 26, 2021.

Una nang gitakda sa PRC ang schedule sa LEPT sa Marso 28, 2021.

Agi kini og pagsunod sa Resolution No. 1256, (s.2020), diin gikonsidera ang LEPT isip ‘large-scale licensure examination’ nga dili angay ipahigayon taliwala sa pandemya.

Alang sa may mga pangutana ug sa mga mokuha sa maong eksaminasyon, gitambagan sila sa PRC sa pakig-alayon kanila pinaagi sa pagpadala og email sa Licensure Division sa: licensure.division@prc.gov.ph ug licensure.office@prc.gov.ph. (ecb/PIA7-Bohol)

Gipahibalo sa PRC nga gisibog na ngadto sa Setyembre 26, 2021 ang schedule sa Licensure Examination for Professional Teacher (LEPT) agi og pagsunod sa Resolution No. 1256, (s.2020). (PRC/ PIA7-Bohol)