Thursday, February 11, 2021

Pagpatuman sa child safety law, 
MVIS gipasuspenso ni PRRD

MANILA, Feb. 11 (PIA)--Gimando ni Presidente Rodrigo Roa Duterte ang pagsuspenso una sa implementasyon sa car seat law.

Sa pahayag ni Presidential Spokesperson Secretary Harry Roque, ang maong lakang gihimo matud pa tungod sa giatubang pa nga mga pandemya sa nasod sa COVID-19 ug African Swine Flu (ASF).

Nakalatid sa car seat law o Republic Act 11229 nga Child Safety in Motor Vehicles Act nga kinahanglang ang mga bata nga nag-edad og 12 anyos paubos ug may 4’11 nga gitas-on paubos sa paggamit og car seat.

Gilagdaan ang maong balaod ni Presidente Duterte niadtong Disyembre 2019.

Gawas niini, gipasuspenso usab sa Presidente ang mandatory Motor Vehicle Inspection System (MVIS).

Kini nagpasabot nga walay dugang singil alang sa pagparehistro sa mga sakyanan.

“Samantala hindi na po mandatory ang MVIS. Ibig sabihin, kinakailangan walang bagong singil, walang karagdagang singil para sa pagpaparehistro ng mga sasakyan. Ito ang naging desisyon ng Presidente kung saan binalanse ng Pangulo ang pinagdadaanan ng ating mga kababayan sa gitna ng krisis na nararanasan hindi lang ng Pilipinas kundi ang buong mundo,” pahayag pa ni Roque. (ecb/PIA7-Bohol)
Gimando ni Presidente Rodrigo Roa Duterte ang pagsuspenso una sa implementasyon sa car seat law ug mandatory Motor Vehicle Inspection System (MVIS) tungod sa giatubang pa nga mga pandemya sa nasod sa COVID-19 ug ASF. (PCOO)

No comments: