GSIS, nipasidaan batok sa ‘phishing modus’

 

TAGBILARAN CITY, Feb. 10 (PIA)--Gipa-amping sa Government Service Insurance System (GSIS) ang ilang mga miyembro, pensioner ug claimant batok sa ‘phishing modus.’

 

Base sa gipagawas nga pahayag sa ahensiya, sa ‘phishing modus’ gipagawas nga ang abiso nga gipadala pinaagi sa e-mail ug texts sa mga indibiduwal gikan sa nagpailang kawani sa GSIS.

 

Ang mensahe mahimo usab nga ipadala pinaagi sa social media.

 

Matud pa nga ang modus, pangayuon sa miyembro o pensioner ang ilang mga sensitibong personal data, apil ang ilang confidential GSIS information.

 

Gipahinumdom sa GSIS nga dili gayud sila mangayo sa personal information sa ilang mga miyembro gawas lamang kun gitugotan sila sa pagtubag sa mga pangutana o dinaliang pagproseso sa aplikasyon o transaksyon sa miyembro.

 

“Please be reminded that GSIS will never ask for your personal information unless it allows us to properly respond to your inquiries or quickly process your applications or transactions,” pahinumdom pa sa ahensiya.

 

Gihangyo usab sa GSIS ang ilang mga kliyente nga ipahibalo dayon kanila ang bisan unsang kaduhang mensahe nga madawat. (ecb/PIA7-Bohol)

Gipahinumdoman sa GSIS ang ilang mga miyembro, pensioner ug claimant nga dili gayud sila mangayo sa personal information sa ilang mga miyembro gawas lamang kun gitugotan sila sa pagtubag sa mga pangutana o alang lamang sa dinaliang pagproseso sa aplikasyon o transaksyon sa miyembro. (GSIS)