Health protocols ipadayon bisan 

kon nabakunahan na - WHO

TAGBILARAN CITY, Bohol, Jan. 29 (PIA) -- Human gikabutyag ni Presidente Rodrigo Roa Duterte nga mahimong moabut na ang mga bakuna batok sa coronavirus disease sa sunod buwan, may tambag pa gihapon ang mga tinugyanan sa kasanihan.

Padayon sa pagsul-ob sa face masks, ipadayon ang pamatasan sa pagpanghunaw ug pag-disinfect sa kamot ug sa mga gamit, ug pabilin nga nakadistansya sa gikauban ug gika estorya.

Kini sanglit, bisan pa kon gipaagi sa pagtuon ang paggamit sa bakuna, sa lanat sa higayon nga kini gipailawom sa pagtu-on, wala pay napagawas nga kasayuran kon dili na ba makatakod pa kon mabakunahan na.

Ang kahingawa sa mga tinugyanan sa kasanihan, nagasikad sa posibilidad nga mahimong dili na matakdan ang nabakunahan, apan mahimo pa gihapon nga iyang ikapasa nag kagaw nga naa sa iyang lawas ngadto sa uban.

Segun sa mga tinugyanan, bisan pa kon nahuman ka na nga nabakunahan, mahimong makakuha ka gihapon sa kagaw, madal nimo kini ug mapasa sa uban, mao nga importante pa gihapon ang pagsubay sa mga lakang sa pagpugong nga ikaw makatakod, tambag sa mga kasanihan subay sa kasayuran gikan sa World Health Organization (WHO).

Dugang pa nila, kasagaran, magkinahanglan pa og mga duha ngadto sa tulo ka semana human sa ikaduha nga pagtupok sa bakuna, ayha pa makuha sa tawo ang igo nga immunity sa pagkalig-on sa iyang depensa sa lawas.

Una na nga gipadayag sa mga nag-unanga mga tighimo sa bakuna nga Pfizer BioNTech, Moderna, AstraZeneca, Sputnik V ug Sinovac nga magkiunahanglan og makaduha nga tupok sa bakuna sa bukton, mga duha ngadto sa tulo ka semana ang lat-ang, aron makakuha ang lawas sa supisyente nga panalipod batok sa coronavirus disease.

Sa kahagip-ut sa panahon ug s aka dinali-an sa panginahanglan sa bakuna, gipagawas sa mga nasud sa kalibutan ang Emergency Use Authority (EUA) sa mga bakuna bisan pa kon wala pa kini makakompleto sa ikatulo ug katapusang hugna sa mga pagtuon, ilabi na sa kapepektibo niining mga bakuna ngadto sa mga may daan na nga sakit, o sa pagpasa niini sa panahon nga wala pa mosikad ang panalipod sa lawas.

Hinuon, mipasalig ang nga tinugyanan nga samtang nagpadayon gihapon ang dugang mga additional clinical trials, sa mga resulta niini masayran kon uns agyud ka epektibo ang bakuna nga gigamit, ug kon luwas na ba gyud ang tanan bisan kon magpabakuna na lang.

Una na usab nga napagawas nga ang bakuna sa Pfizer miabut sa 94% ka epektibo dihang gitupok sa mag may edad nga 65 pataas, ma Asyano, Negro, Latino ug mga lumad.

Kini usab nga kaepektibo, gisawhan sa bakuna nga ginama sa Moderna. (rahc/PIA-7/Bohol)

PARA SEGURADO. Bisan pag nabakunahan na, ipadayun pa gihapon ang pag-amping, pagsul-ob sa face mask, face shield ug social distancing kay wala pay kasayuran nga nakuha kon kanus-a gayud makompleto nga mapanalipdan sa bakkuna ang lawas. (PIA Bohol)

DOBLE PANALIPOD. Nagsul-ob pa gihapon sa face masks ang mga siklesta sa Inabanga bisan pa kon gibutyag na sa IATF nga dili na kinahanglan pa nga magsul-ob sa mask kon anaa sa strenous nga kalihukan sama sa ehersisyo kay mahimong lisud kini iginhawa. Apan sa Inabanga, sanglit maoy nagpadagan sa kampanya, disiplina ang gihimo sa mga siklesta. (rahc/PIA-7/Bohol)