Mga Andahanon gidid-an 

pagsulod sa Ubay, Dauis

TAGBILARAN CITY, Bohol, Feb. 8 (PIA) -- Alang sa mga taga Anda, Bohol nga mosulod sa mga kalungsuran nga adunay tag-as nga kaso sa coronavirus disease, kinahangan sila nga ipailawom sa pugos nga 14 ka adlaw nga kwarantina.

Sa usa ka Memorandum ngadto sa tanang kapitan sa lungsod, gimandu ni Mayor Metodio Amper ngadto sa tanang taga lungsod nga bisan si kinsa kadtong nakasulod sa kalungsuran sa Ubay ug Dauis kinahanglan ipailawon sa pugos nga kwarantina didto sa ilang mga balay sa ilang pagbalik sa lungsod.

Ang Memorandum No. 012, series of 2021 mingbutyag nga tungod sa nagpadayon nga mga community transmission sa Corona virus disease sa mga kalungsuran sa Ubay ug Dauis, ang tanang mga Andahanon, gibugnaw sa ilang tumong sa pagbisita sa mga nahisgutang kalungsuran.

Gani, ang si bisan kinsa nga nakasulod na niining mga lungsod niining bag-o lamang, ipailawom dayon sa estrikto nga home quarantine sa ilang pag-uli sa ilang mga balay gikan sa pagtaak sa mga nahisgutang lungsod.

Kahinumduman nga niining bag-o lamang usab, gipagawas ni Gob Arthur Yap ang Executive Order No 7, series of 2021.

Kini nga executive order nagdugang sa mga lugar sa Bohol nga napailawom sa Tourism Bubble segun sa nahaunang mga executive orders gikan sa Kapitolyo.

Gimandu didto ang paglakip sa mga pili nga lugar sa Anda nga kasuroyan sa mga turista.

Kini nga mga destinasyon sa Anda naglakip niadtong may nakuha nga Certificate of Authority to Operate gikan sa Department of Tourism (DOT) o sa LGU Anda o kadtong mga resorts nga may nahuptan nga Ultimate Bohol Experience (UBE) seal.

Sa Exec Order No 53, series of 2020, gimandu sa gobernador ang pagpasulod na sa mga turista nga dili Bol-anon nga makasulod sa Bohol kon may mapakita nga negatibo nga resulta sa RT-PCR o sa saliva RT-PCR, may gihuptan nga kompirmado nga hotel booking sa mga hotels ug resort sa Dauis ug Panglao, may nakuha nang daan nga tour itinerary gikan sa DOT Accredited tour agent, ug nga dili sila mahimong mogawas sa Tourist Bubble.

Apan sa mandu sa Mayor sa Anda nga alang sa mga Andahanon, may nakakita sa posibilidad nga may nga dili taga Bohol nga turista nga mahimong didto nakakuha og mga lawak pahulayanan sa Dauis, ug makabisita sa pili nga mga lugar sa Anda.

Niini, nakita usab nga bisan kon unsa ka estrikto ang lungsod sa pagpugong nga dili makasulod ang sakit sa COVID sa ilang nindot nga mga suroyanan, ang possible nga pagkaduol sa mga tourism stakeholders sa mga turista nga gikan sa Dauis, magpawalay epekto sa mandu sa mayor sa lungsod. (rahc/PIA-7/Bohol)

WALAY APAT, SA PAG-AMPING. Bisan sa nagkadaghan nga kaso sa local transmission sa Bohol, wala gihapoy apan kon ang tanan mag-aping lang gyud, magsul-ob sa saktong panalipod ug magbaton sa tukmang kinaiya sa pagkalimpyo permi. (rahc/PIA Bohol)