25 ka farmer's associations sa Bohol,
nakadawat og broiler nga mga piso

TAGBILARAN CITY, Mar. 4 (PIA)--Baynte singko ka grupo sa mga mag-uuma sa lalawigan sa Bohol ang nakadawat ning bag-o lang og mga broiler nga piso ug feeds nga nagkantidad og P232,450 gikan sa Department of Agriculture-Central Visayas (DA7).

Gipangunahan nila DA7 Regional Executive Director Atty. Salvador D. Diputado ug Bohol 1st District Representative Edgar M. Chatto ang pag-apod-apod sa 1,250 ka broiler nga mga piso ug 87.5 ka sako sa mga feeds ngadto sa 25 ka farmer associations.

Matud pa ni Diputado nga kining proyekto parte sa Expanded Livestock and Poultry Production and Livelihood Project ubos sa Ahon Lahat, Pagkaing Sapat (ALPAS) Kontra sa COVID-19 Response ni Agriculture Kalihim William Dar.

"In fact, the programs of our Secretary are multi-purpose. Aside from food production, the DA is also vigilant and is strengthening its measures against viral animal diseases like the African Swine Fever (ASF)," matud pa ni Diputado.

Gidugang usab ni Deputado nga kun maapektuhan ang atong industriya sa baboy sa ASF, ang atong food production supply sama sa karneng baboy maapektuhan usab kaayo.

Gipasabot niini nga nagapod-apod sila og mga manok ug gitugotan sila nga magsugod og pagpadaku sa mga broiler nga piso isip alternatibong panginabuhian gikan sa naandang pagpadako og mga baboy sa kasamtangan nga wala pa’y tambal o bakuna batok sa ASF.

Ang mga nakadawat niining proyekto mao ang mosunod: Sikatuna Municipal-Based Native Chicken Growers Association, Bahay Bahay Farmers Association, Cansubayon Samahang Nayon Multi-Purpose Cooperative, Dauis Municipal-Based Chicken Growers Association, Calape Municipal-Based Native Chicken Growers Association, Lomboy Farmers Association, ug Sagbayan Association of Farming Entrepreneurs.

Apil usab ang mga farmers' association sama sa: Danao Municipal-Based Native Chicken Growers Association, Buenavista Women's Association, ug Buenavista Municipal-Based Native Chicken Growers ang nakadawat usab sa maong proyekto.

Ang DA7 miapod-apod usab ngadto sa Bien Unido Municipal-Based Native Chicken Growers Association, Tubigon Livestock & Poultry Growers Association, ug Association of Dairy farmers sa Tubigon, Maca-as Farmers & Fishermen's Association, Catugasan Irrigators Association, ug Cadap-agan farmers Association.

Ang ubang benepisyaryo sa proyekto naglakip sa: Anda Brgy. Livestock Aid Association, Alicia Native Chicken Growers Association, Trinidad Native Chicken Growers Association, Sto. Nino Livelihood Farmers Association, Antequera Municipal-Based Native growers Association, Garcia Hernandez Federated farmers Association, Cambanse Farmers Association, Oy Multi-Purpose Cooperative ug Botoc Salinas Irrigators Association.

Matag asosasyon nakadawat og 50 ka day-old broiler nga mga piso ug 3 1/2 ka sako sa feeds alang sa 25 ka adlaw nga konsumo diin ang mga piso andam nang ibaligya sa merkado.

Ang DA may mga dispersal program usab sa mga manok bisaya, mga baka, kanding ug mga kabaw ug sa mga pangisda.

"We will monitor you and check on your progress. If we see that you reciprocate the initiatives of DA, we will give you more assistance," matud pa ni Deputado ngadto sa mga benepisyaryo sa ilang proyekto. (ecb/PIA7-Bohol)

Gipangunahan nila DA7 Regional Executive Director Atty. Salvador Diputado ug 1st District Rep. Edgar Chatto ang pag-apod-apod sa 1,250 ka broiler nga mga piso ug 87.5 ka sako sa mga feeds ngadto sa 25 ka farmer associations sa Bohol. (DA7)