COVID-19 Vaccination Program 

Act of 2021, gilagdaan na ni PRRD 

 

TAGBILARAN CITY, Mar. 1 (PIA)--Gilagdaan na ni Presidente Rodrigo Roa Duterte ang COVID-19 Vaccination Program Act of 2021 o “An Act Establishing the Coronavirus Disease 2019 (COVID-19) Vaccination Program Expediting the Vaccine Procurement and Administration Process, Providing Funds Therefor, and for other purposes”.

 

Tuyo niining mapadali ang pagpalit og mga bakuna bato sa COVID-19 ug paggahin og indemnity fund nga P500 milyon.

 

Matud pa ni Presidential spokesperson Harry Roque, walay angay ikabalaka ang publiko tungod kay naghiusa gayud ang presidente ug Kongreso aron mapadali ang pagpalabang sa COVID-19 Vaccination Program Act of 2021.

 

Kahinumdoman nga niadtong adlaw nga Martes, Pebrero 23, sa dihang gi-adopt sa House of Representatives ang bersyon sa Senado sa maong balaodnon.

 

Ubos niining balaod, ang nasudnong kagamhanan, local government units, lakip na usab ang pribadong sektor, gitugotan sa pagpalit og bakuna batok sa COVID-19 pinaagi sa Department of Health ug National Task Force Against COVID-19.

 

Gitugotan niini ang DOH ug National Task Force Against COVID-19 nga mopaubos sa negotiated procurement sa COVID-19 vaccines bisan sa ancillary supplies ug services alang sa ilang storage, transport, ug distribution. (ecb/PIA7-Bohol)

Gilagdaan ni Presidente Duterte ang Republic Act 11524 o ang Coconut Farmers and Industry Trust Fund Act niadtong Pebrero 26, 2021. (PCOO)