DOTr mitugyan sa duha 2 ka 

reefer vans ngadto sa Bohol

TAGBILARAN CITY, Bohol, April 21 (PIA) -- Giisip nga daku og ikatabang sa pagpapatag sa presyo sa mga paliton nga apektado sa supply and demand niining panahon sa kalisud samtang nagpadayon ang pandemya, gidawat sa mga tinugyanan sa sa Bohol and duha ka 40 footer nga refrigerated vans gikan mismo sa kagamhanan.

Gitunol sa kagamhanan pinaagi sa Department of Transportation (DOTr) ug ni Secretary Arthur Tugade ug Philippine Ports Authority General Manager Jay Daniel Santiago ang mga ekipo nga reefer o refrigerated container vans, ubos sa Palamigan nga Bayan.

Ang Palamigan ng Bayan, nagtumong aron mapasayon ang pagpadangat sa mga kargamento nga makaon ug dali ra nga madaut sama sa mga produktong pang-umahan ug mga isda ngadto sa mga komunidad nga walay ikong kapasidad sa pagtipig niini, pasabot ni DOTR Secretary Tugade.

May mga komunidad nga may igong ani o kuha sa pagkaon nga dali ra nga madaut, hinungdan sa pagpangita og himan sa pagpalungtad niini aron may husto nga paagi sa pagtipig kon sa higayon nga kini sobra sobra na.

Pasabut sa DOTr, gawas nga pinaagi sa reefer vans, makab-ot na sa komunidad nag mas taas nga storage sa mga producto, mahimo na usab niini ang pag-akses sa mga produkto nga momahal kon dili na season niini, sama sa mga isda nga nakuha na.

Kasagaran nga mga isda nga makuha, kon sobra sobra na, ibaligya kini nga barato kay sa pasagdan nga madaut.

Kon sa panahon nga tingnihit na sa isda, kadtong natipigan sa Palamigan ng Bayan, mahimo kini ipabaha sa mga merkado aron mapaubos ang palit ug may makuha nga isda ang tawo sa mga kamerkadohan, ilabi na niining panahon nga lisud ang taw okay napaundang sa trabaho dala sa COVID.

Gitunol ni Sec Tugade, uban ni PPA GM Santiago nagdto ni Gob Arthur Yap ang duh aka reefer vans samtang gisaksihan kini nila ni Kongresista Edgar Chatto, Aristotle Aumentado ug Alexie Tutor, Board Member Ricky Masamayor ug City Mayor John Geesnell Yap ang pagtugyan.

Ang seremonyas sa pagtugyan nahitabo niadtong imaging semana, Abril 14, 2021 didto sa Pantalan sa Tagbilaran.

Didto gitugyan usab sa DOTR ug PPA ngadto sa local nga kagamhanan ang pagpagamit sa bag-ong pundohanan sa mga pasahero sa Port of Tagbilaran.

Didto gitukod sa DOT rug PPA ang duha ka andana nga gambalay nga mopahiluna sa kapin sa 600 ka dugang mga pasahero samtang naghuwat sa ilang paglawig. (rahc/PIA-7/Bohol)

TIPIGANAN SA MGA DALI MADAUT. Gidawat sa mga tinugyanan sa Bohol gikan sa DOTr pinaagi ni Kalihin Arthur Tugade, ang duha ka 40 footer refrigerated container vans ubsa sa Palamigan ng Bayan aron may himan na alang sa pagtipig sa mga pagkaon nga dali rang madaut aron mas molungtad kini sa panahon sa panginahanglan. (rahc/PIA-7/Bohol)

SAYO ANG PASKO. Gawas sa pagtugyan sa duha ka andana nga pseenger terminal building sa pantalan, gidala usab ni DOTr Secretary pagtugyan ang duha ka reefer vans isip dugang cold storage facilities sa Bohol, alang sa sayo nga pinaskuhan sa kagamhanan. (rahc/PIA-7/Bohol)