DOH, may pahinumdom sa mga modawat

og 2nd dose sa COVID-19 vaccine

TAGBILARAN CITY, April 21 (PIA)--Gipahinumdom sa Department of Health (DOH) nga kinahanglan pa gihapon mopaubos sa proseso sa screening ang mga indibidwal nga bakunahan sa ikaduhang dose sa COVID-19 vaccine.

Nipagawas og pahayag ang DOH human nataho nga wala na gihimo o may molaktaw sa screening alang sa second dose sa bakuna.

Matud pa ni DOH Undersecretary Maria Rosario Vergeire, dili sakto kun may dili mosunod sa saktong screening sa pagbakuna.

Dugang pa ni Vergeire nga kun unsa ang protocol sa pagbakuna sa unang dose, mao gihapon ang himuon sa paghatag sa ikaduhang dose sa bakuna.

Gitumbok sa kalihim nga ang mga bakunahan kinahanglang ma-check kun may sintomas sila sa COVID-19 o di kaha gi-atake sa ilang comorbid, sa dili pa sila bakunahan.

Taliwala niini, miingon si Vergeire nga mahimong dili na pangayuan og “informed consent” ang bakunahan sa ikaduhang dose sa COVID-19 vaccine. (ecb/PIA7-Bohol)