Mga community pantry sa nasod, 

welcome sa Malakanyang

TAGBILARAN CITY, April 21 (PIA)--Welcome kang Presidente Rodrigo Roa Duterte ang mga nanggawas nga community pantry sa nagkalain-laing parte sa nasod.

Mao kini ang gipagawas nga pahayag sa Malakanyang taliwala sa red tagging issue sa mga nag-organisa og community pantry.

Matud pa ni Presidential Spokesman Harry Roque, angay nga seguradohon lamang nga nasunod ang health protocols sa mga community pantry aron masiguro nga dili magtakdanay sa COVID-19 virus.

“Well, nagsalita na po ang.. tayo bilang tagapagsalita ng Presidente na itong mga community pantries exemplify the best of [garbled] at sinusugan din po ni DILG Secretary Año na nagsalita ngayon lamang na sinasabi na wala po siyang kautusan sa kapulisan na manghimasok sa operasyon ng mga community pantries,” pahayag ni Roque.

“So kami po ay ginagalang natin ang bayanihan sa ating mga kababayan sa pamamagitan ng ating community pantries at ang ating interes lamang ay mapatupad po ang minimum health standards diyan sa mga community pantries na iyan,” dugang pa sa kalihim.

Dili angay hilabtan ug pugngan ang mga nanggawas nga community pantry nga ang tumong mao ang isulong ang bayanihan, matud pa sa Malakanyang.

Sigun pa ni Roque, gipakita sa katawhan ang diwa sa bayanihan samtang giatubang ang pandemya sa COVID-19.

“Pero sa panig po ng Presidente, sa panig ng DILG malinaw po – ini-encourage po natin at binibigyang-puri natin ang mga mamamayan natin na sumasapi diyan sa community pantries,” pasabot pa ni Roque.

Natakdan na usab niining positibong ‘virus’ ang syudad sa Tagbilaran diin ang Simbahang Katoliko ug ang Kagamhanang syudad sa Tagbilaran mipadayag og suporta alang sa mga nangbuthong community pantry.

Si Bishop Alberto Uy sa Diocese sa Tagbilaran nipahibalo niadtong Lunes, Abril 19 sa pagkamugna sa Bohol Community Pantry nga gi-organisa sa mga batan-ong negosyante ug sa diocese. Ipahimutang kini sa gawas sa St. Joseph Cathedral sa syudad sa Tagbilaran ug gitakdang buksan sa Abril 22, 2021. (ecb/PIA7-Bohol)

Taliwala sa red tagging issue sa mga nag-organisa og community pantry, nipagawas og pahayag ang Malakanyang nga welcome kang Presidente Duterte ang mga nanggawas nga community pantry sa nagkalain-laing parte sa nasod.