Home care package, ipangapod-apod

sa DOH sa mga kabalayan

TAGBILARAN CITY, April 27 (PIA)--Parte sa paningkamot sa gobyerno ang pagpangapod-apod og home care package alang sa mga kabalayan tungod na usab sa padayong pagsaka sa kaso sa coronavirus disease (COVID-19).

Matud pa sa tigpamaba sa DOH nga si Usec Maria Rosario Vergeire, kining package gitumong aron ma-redirect ang mga pasyente nga moadto direkta sa mga ospital, mga pasyente nga nag-panic ug mga nakabati og kahadlok nga kun magpabilin sila sa balay tungod kay aduna sila’y mild case o asymptomatic case, giseguro nga makadawat sila og kits nga gitawag og “home care package.”

“This is not really about the kits but it is also the system and the process that goes with it, because when we say home care package we will have a financing mechanism for that and that is we were negotiating with Philhealth, “ matud pa ni Vergeire.

Matud pa nga sa home care system, kauban ang instructions kun kanus-a angay moadto sa ospital ang usa ka indibidwal nga naa lang sa balay .

Kauban usab sa instructions ang numero sa telemedicine, navigation ug triage system sa lokal nga kagamhanan.

Lakip usab sa kits ang mga preventive equipments sama sa mask, alcohol, sanitizers, face shields ug disinfection supply ug cleaning kit materials nga ipanghatag isip parte sa home care package.

Gawas pa niini, may home monitoring kits usab nga ihatag sama sa thermometer ug tan-awon pa kun maapilan ba usab og pulse oximeters depende sa maabot sa budget.

Giingong kini ang kumpletong package nga apil na ang vitamin supplement ug antipyretic, paracetamol alang sa hilanat nga kasagarang tambal niini.

“All of these will be in one package but again let me just emphasize this is part of the complete process, not just a kit….but also there would be base system and a process that they will be guided on how to use these kits. They will also navigated on what facility they would need on that certain status of illness”, pasabot pa ni Vergeire. (ecb/PIA7-Bohol)