Learning resource portal

sa DepEd, gilusad na

TAGBILARAN CITY, April 22 (PIA)--Pormal nang gilusad sa Department of Education (DepEd) ang Learning Resource Portal.

Sa pagpanguna sa Bureau of Learning Resource (BLR), gi-inagurahan ang maong portal nga makatabang sa mga estudyante, magtutudlo ug mga kawani.

Pinaagi sa DepEd Learning Resource Portal, mahimo nang ma-akses ang uban pang learning ug teaching materials nga magamit sa pagpatuman sa distance learning.

Tumong niining mapalambo ang mga estudyante ug mga magtutudlo ubos sa nagkalain-laing learning delivery modality.

Gi-awhag sa DepEd ang publiko sa pagparehistro sa nahisgotang portal pinaagi sa pagbukas sa link nga https://lrmds.deped.gov.ph/. (ecb/PIA7-Bohol)

Gi-awhag ang publiko sa pag-register sa DepEd Learning Resource Portal https://lrmds.deped.gov.ph/ aron mapalambo ang mga estudyante ug magtutudlo ubos sa nagkalain-laing learning delivery modality. (DepEd/ PIA7-Bohol)