LGUs, gipaandam sa posibleng

epekto sa bagyong ‘Bising’

TAGBILARAN CITY, April 15 (PIA)--Gi-abisuhan na sa National Disaster Risk Reduction and Management Council (NDRRMC) ang mga lokal nga kagamhanan nga hingosgan ang ilang pagpangandam sa posibleng epekto sa bagyong Bising.

Gipaabot nga Huwebes sa gabii, Abril 15, o Biyernes sa buntag Abril 16 mosulod sa Philippine Area of Responsibility (PAR) ang bagyo, nga may international code name nga ‘Surigae.’

Nakapahigayon na og pre-disaster risk assessment meeting ang mga opisyal sa NDRRMC ug natumbok na ang mga lugar nga mahimong makasinati og grabeng epekto sa severe tropical storm.

Bisan gamay ang posibilidad nga moigo sa kayutaan si Bising, mahimong mabati ang epekto niini sa silangang parte sa Luzon ug Visayas sa weekend hangtod sa adlaw nga Lunes.

“The public is again reminded to take precautionary measures, continue to monitor weather updates, and heed authorities’ warnings and advisories alongside observance of minimum health protocols against COVID-19,” matud pa sa gipagawas nga pahayag sa NDRRMC. (ecb/PIA7-Bohol)

Ang NDRRMC nimando sa Regional DRRMCs sa pagpadayon sa ilang pagpangandam alang sa Severe Tropical Storm 'Surigae' (international name) nga mosulod sa Philippine Area of Responsibility (PAR) Huwebes sa gabii o Biyernes sa buntag isip bagyong ‘Bising’. (NDRRMC)