DSWD, nipasidaan sa publiko batok

sa pekeng Facebook accounts

TAGBILARAN CITY, May 18 (PIA)--Nipagawas og pasidaan ang Department of Social Welfare and Development (DSWD) sa publiko kalabot sa pipila ka pekeng Facebook accounts.

Gitumbok sa buhatan ang Facebook accounts nga “DSWD NEWS AND UPDATE” ug “DSWD News And Update 2021.”

Gi-klaro sa DSWD nga dili kini ang opisyal nga social media accounts nila ug wala kini koneksyon sa ilang buhatan.

Pahinumdom pa sa DSWD ngato sa publiko, likayan ang pagsunod sa mga pekeng page.

Gi-awhag ang publiko nga kun makakita sa mga susama nga page, i-report kini dayon sa DSWD.

Aron makakuha sa pinakabag-ong abiso sa mga programa sa buhatan, mahimong bisitahon ang ilang website nga www.dswd.gov.ph ug mosunod sa ilang Facebook ug Twitter accounts nga @dswdserves. (ecb/PIA7-Bohol)

Aron mahimong updated sa mga programa sa DSWD, gi-awhag ang publiko nga bisitahon lamang ang website sa buhatan nga www.dswd.gov.ph ug mosunod sa ilang Facebook ug Twitter accounts nga @dswdserves. (DSWD/PIA7-Bohol)