PRRD mideklara sa Mayo 13 nga regular holiday kay Eid’l Fit’r

CORTES, Bohol, May 11 (PIA) -- Gideklara na ni President Rodrigo Duterte ang Huwebes, Mayo 13, 2021 isip regular holiday karong tuiga, isip kalakip sa mga regular holidays nga dili mosibug ang petsa.

Pinaagi sa Proclamation No. 1142 nga gilagdaan sa Presidente niadtong Mayo 10, 2021, gibutyag sa pangulo sa nasud nga una na nga girekomenda sa National Commission on Muslim Filipinos ang pagdeklara sa Huwebes, Mayo 13 isip nasudnong holiday alang sa pagsaulog sa Ramadan.

Kahinumduman nga pinaagi sa Republic Act 9177, nadeklara na ang Eid’l Fit’r o ang pista sa Ramadan isip regular nga holiday sa tibuok nasud.