COVID Vaccines: Dli kini mahimo

sa panimalay matod sa DOH

TAGBILARAN CITY, June 15 (PIA) Miingon ang Department of Health (DOH) nga ang paghimo sa bakuna usa ka komplikado, teknikal nga proseso nga dili gyud mahimo diha sa balay.

Apil niini ang daghang pagsulay sa laboratory nga gesundan sa mga klinikal nga pagsulay nga naglambigit sa libu-libo ka mga boluntaryo.

Ang World Health Organization (WHO) usab miiingon nga ang mga bakuna, sama sa uban pang bakuna, kinahanglang magsunod sa sumbanan aron masulayan ang pagka-epektibo niini ug pag-ila sa bisan unsang mga sagad nga epekto niini.

Ug aron masiguro nga ang mga bakuna dili lang sa dinali-dali nga pag-ugmad, kinahanglan kining aprubahan sa mga eksperto ug mga doctor ug syentista sa usa ka nasod pinaagi sa Food and Drugs Administration (FDA).

Sumala sa WHO, ang mga pagsulay sa bakuna, maglambigit ug lain-laing mga boluntaryo alang sa mga klinikal nga pagsulay niini.

Dugang pa, kini nga mga boluntaryo, kinahanglan gikan sa nagkalain-laing mga lugar, mga lahi ug etniko, sex ug edad, aron ilhon ang epekto sa bakuna sa tanag matang sa tawo nga dapatan niini. (John Paul Elicano/PIABohol intern)