Mga Lumulupyo sa Tagbilaran City ge-awhag

nga dili mag mahadlokon sa pag pabakuna

TAGBILARAN CITY, June 15 (PIA) – Gihagit ni City Mayor John Geesnell Yap ang mga taga Tagbilaran sa pagpabakuna ug isalikway na ang mga sayop nga kahadlok nga walay kapasikaranm.

Didto sa Network Briefing News nga gihimo niadtong Lunes, Hunyo 13, si Mayor John Geesnell Yap II kinsa maoy guest sa nasudnong sibya sa Radyo Pilipinas ug madungog sa tanang government media channels, mipakita nga walay dautan nga nahitabo kaniya, bisan pa sa iyang pagpabakuna. .

Buot nga ipaabot sa mayor sa iyang katawhan sa Tagbilaran City, nga dili magmahadlokon ug dili na magduha-duha pa sa pagpabakuna.

Matud sa mayor, sa iyang pagpabakuna, gawas sa dyutay nga pagpang hawoy, wala nay lain pang dili maayong timailhan ang iyang gibati.

Daghang mga tawo ang mituo sa mga sayup nga kasayuran ogsa gituyo pagtuis nga kasayuran nga maoy nag hatag sa katawhan og kahadlok sa pagpabakuna.

Ang bakuna makatabang para sa pagpanalipod sa lawas sa mga pipila ka mga sakit, dason sa mayor, dungan sa pag-awhag sa mga sakop sa katilingban nga dili na mahadlok sa pagpabakuna.

Ang pagpabakuna maoy usa ka pamaagi para sa proteksyon kontra virus. ( Mae Ann Grace C. Rubia/PIABohol Intern)