Paghimo sa bakuna sa COVID gipasubay

Sa taas nga int’l standards sa kaluwasan

TAGBILARAN CITY, June 15 (PIA) – Gipasalig sa World Health Organization (WHO) nga ang mga bakuna batok sa Corona Virus Desease (COVID) hingpit nga gisulayan sa wala pa kini gipang apod-apod ug gipagamit sa publiko.

Kini, bIsan pa kon ang sakit nga Covid-19 nagahatag sa mga eksperto sa medyo mubo nga panahon aron mamugna ug masulayan ang mga bakuna.

Segun sa kasayuran, ang naandan nga tagal sa paghimo sa usa ka bakuna, moabut kini sa 100 ka tuig, apan ang mga bakuna sa Covid-19 gihimo sa labing paspas nga paagi sa kasaysayan, tungod usab kay kini dinalian.

Matod sa WHO, ang mga bakuna sa covid-19 dali nga naugmad, bisan pa nga estriktong gisubay ang labing kataas nga sukdanan sa kaluwasan alang niini.

Samtang nagkadaghan sa mga namatay, ang WHO ug mga laboratory sa tibuuk kalibutan nga gitagana sa paglambo sa epektibo nga mga bakuna batok sa Covid-19 nagsubay gihapon sa hugot nga batakan sa kaluwasan ug sukuranan sa klinikal nga pamaagi.

Kini gitugotan alang sa labing paspas nga pag-ugmad sa bakuna, apan dili kini makadaut sa lawas, pagsiguro sa WHO. (Ruffa Mae F. Evardo/PIABohol Intern)