DOH nag awhag sa LGUs pagtug-an sa

Mga babag sa pakyas nga pagpabakuna

TAGBILARAN CITY, June 11 (PIA) – Giawhag sa Department of Health (DOH) niadtong miyerkules ang mga local government units (LGU’s) nga itug-an ang mga nag-unang rason nganong nagkaproblema sila sa pagpabakuna sa mga gi-prioridad nga grupo sama sa mga edaran ug mga tawo nga adunay daan na nga gibatio nga sakit o with comorbidities.

Samtang ang national government ug LGUs padayon nagkampanya sa pagpabakuna, angayan lamang usab nga ang mga vaccination sites sa LGUS makatabang sa pagpalambo sa kasayuran aron mas molampus pa ang sa senior citizens ug tawo nga adunay comorbidities.

Ang pagtumbok niining nga babag sa pagpangbakuna, makatabang sa LGUs sa paggamit sa mga sistema ug kinaugalingon nga lakang aron mas sayun anhaon ang vaccine centers sa mga sector nga delikado matakdan sa COVID.

Usa sa mga natumbok nga babag sa pagpangbakuna, mao ang internet connectivity niadtong mga lugar nga maghimo sa online registration.

Matud sa DOH, sa mga lugar nga hinay o menos ang koneksyon sa internet, gibutyag sa DOH nga sama sa gibuhat sa San Juan City, ilang gihimo ang pagsuroy sa mga kabalayan aron maabut kadtong mga dili makasulod sa online registration.

Nagpasiugda ang DOH sa mga kampanya kabahin sa importansiya sa pagpa-paspas sa national vaccination program ingon man sa pagpa-andam sa pagpabakuna sa A4 priority group.

Nagpadayon ang DOH pagpahinumdum sa publiko nga mukuha usab sa ikaduha nga dosis sa bakuna alang sa hingpit nga proteksyon batok sa grabi nga porma sa covid19 ug paglikay sa pagpa ospital. (Analyn Y. Socobos PIA/Bohol Intern)

#TMCIntern