Dul-an na sa 7 milyones

nabakunahan sa COVID

TAGBILARAN CITY, June 14 (PIA) – Dul-an na sa 7 milyones ang kinatibuk-ang Pilipino nga nabakunahan sa 1st og 2nd dose sa bakuna batok sa Coronavirus disease (COVID) niadtong Hunyo 13, 2021.

Segun sa taho sa national vaccine Operation center (NVOC), aduna nay 1,447,426 ka mga frontline health workers sa nasud, o 89% ang nabakunahan sulod sa 1,626,323 sa masterlisted eligible priority group A1 population.

Niini, adunay 826,030 nabakunahan sa Sinovac, 608,819 nabakunahan sa AstraZeneca, 6,080 natupokan sa Gamaleya og 7,497 nakakuha sa Pfizer.

Sa kinatibuk-an, mikabat usab og 968,750- ka mga health care workers (HCWs) sulod sa nasod ang naka kompleto na sa 2nd dose Sinovac vaccine regimen.

Sa ikaduha nga Priority Group nga mga Senior Citizen, gitumbok sa mga tinugyanan sa nasod nga 1,734,596 na ang nabakunahan sa 1st dose, ug niining kadaghanona, naa sa 479, 034 ka mga senior citizen ang naka kompleto na sa 2nd dose Sinovac vaccine regimen.

Sa mga naay mental/physical illnesses (A3 Priority Group or individuals with comorbidities), adunay nay 1,733,869 ka indibidual nga nakadawat na sa ilang 1st dose ug mikabat na sa 424,889 ang nakakompleto na sa 2nd dose.

Sa mga empleyado sa publiko og pribadong sektor, anaa usab sa 152,964 ang mga nag pabakuna na og 7,021 na naka kompleto na sa 2nd dose Sinovac vaccine regimen. (Mae Ann Grace C. Rubia/PIABohol Intern)