LGU’s dli na tugotan sa pagpahibalo sa

bakuna nga gamiton sa vaccination cites

TAGBILARAN CITY, June 14 (PIA) – Gi-did-an na sa Department of Health ang local government units sa una nga pagpahibaw sa kung unsay tatak sa mga coronavirus nga mga bakuna nga gamiton sa mga vaccination sites.

Kini gipamando human gatusan ka mga tawo karong semana ang nakalinya sa usa ka lugar sa Manila sa pagkahibalo nga ang Pfizer nga bakuna ihatag didto.

Matod sa taho, naglinya sa gawas sa Manila Prinice Hotel sayo sa buntag aron makakuha sa usa sa 900 Pfizer jabs nga gipahibalo sa lokal nga goberno nga ihatag didto.

Matod ni Undersecretary Myrna Cabotaje ngadto sa CNN Philippines, ang angay ipatuman nato karon mao ang brand agnostic.

Gikan karon, ang mga tawo na lang nga nakalinya na sa mga vaccination site ang makahibalo kung unsa nga bakuna ang makuha unya ug kung dli sila ganahan sa bakuna niana nga panahon, adto na sila sa katapusan sa linya.

Ang Pilipinas, nga may ikaduha sa labing taas nga COVID-19 infection rate sa Southeast Asia, adunay 7 ka bakuna nga kapilian.

Karon, mas anaa pa sa 10% sa populasyon nga 108 milyon na ang nabakunahan. (John Paul Elicano/PIABohol intern)