DOH: Nagtugyan sa 300+ respirators

Sa mga ospital gawas sa NCR+8

TAGBILARAN CITY, Bohol, June 14 (PIA) -- Mihatag ang Department of Health og 337 ka respirators nga natugyan na ngadto sa gobyerno ug pribadong mga hospitals, ug lain nga 63 ka respirators nga standby pa pero andam na ihatod sa mga rehiyon nga nakasinati og kalit nga pagsaka sa mga kaso sa coronavirus disease.

Ge klaro sa DOH nga 400 ka respirators ang ge hatag sa Temasek Foundation ug lain nga 30 ka buok ang gisuportahan sa pribado nga kompanya nakig-uban ni ini ang tobacco industry.

Tungod sa CSC-DOH Joint Memorandum Circular No.2010-01 nga gidili ang mga ahensya sa gobyerno nga modawat og donation gikan sa tobacco industry wala dawata sa DOH ang maong donation.

Hinuon gipadali og hatod ang mga makina didto sa 10 ka mga pribadong hospital nga geila sa pribadong companya aron magamit nila sa mga pasyente sa covid-19.

Nagpasalamat usab ang DOH sa Temasek Foundation sa ilang ge donate nga respirators alang sa covid-19 patients ug sa Embassy of the Republic of Singapore alang sa pagpadali ug hatod sa nahisgutang donation.

Labaw sa 100 ka publiko ug pribadong hospitals sa Pilipinas ang makadawat sa nahisgutang respirators. (Analyn Y. Socobos/PIABohol Intern)