Kinatibuk-ang kaso sa

COVID hapit na 5,000

TAGBILARAN CITY, June 11 (PIA)— Aduna nay dul-an sa 5,000 ka aktibong kaso sa Corona Virus Disease (Covid-19) dinhi sa Bohol kay anaa na sa 4,906, segun sa bag-ong taho sa Bohol InterAgency Task Force (BIATF) on the management of Emerging Infectious Disease.

Matod sa bag-ong report penetsahan Hunyo 11, 2021, sa unang higayon dinhi sa Bohol, sulod sa usa katuig nikabat na sa 1,031 ang active cases diha nga adunay 97 nga nadungag nga bag-ong kaso sa COVID 19.

Sulod sa 97 nga bag-ong kaso sa covid, ang naa sa nag una nga lugar mao ang Tagbilaran City nga adunay katibuk-ang 36 nga bag-ong kaso.

Duha ang na dungang nga namatay, gikan sa 61, mao nga mikabat na kini sa 63 ka nangamatay.

Napakita usab nga kasagaran nga mga kalungsuran nga naglibut sa Tagbilaran, may daghan usab nga mga kaso.

KOn may 311 ka kaso sa COVID ang Tagbilaran City, ang silingan nga lungsod sa Dauis, may 49, ang Baclayon may 22, ang Corella, may 28 ka kaso ug ang Cortes may 38 na ka kaso.

Kini nagpakita lamang nga mas delikado alang sa mga Bol-anon ang mosulod sa mga lungsod nga duol sa Syudad ug mismo sa syudad sa Tagbilaran, ilabi na kon walay pagtagad sa mga lagda alang sa luwas nga paggawas sa balay.

Nagpakita usab kini nga angayan gihapong mosunod sa minimum public health protocol nga gimandu sa gobyerno aron dili na madungagan ang numero sa maong kaso sa covid-19 dinhi sa Probinsya sa Bohol. (Ruffa Mae F. Evardo/PIABohol Intern)