Seniors nga naka-kumpleto na sa bakuna batok

COVID-19, makagawas na sa GCQ, MGCQ areas

TAGBILARAN CITY, June 10 (PIA)--Gitugotan na sa Inter-Agency Task Force on Emerging Infectious Diseases (IATF-EID) ang mga fully-vaccinated senior citizen nga naa sa mga lugar nga ubos sa General Community Quarantine (GCQ) ug Modified General Community Quarantine (MGCQ) nga makagawas sa balay.

Sa usa ka pahayag, miingon si Presidential Spokesman Harry Roque nga kinahanglan lamang sa mga senior citizen nga mag-presentar og duly issued nga COVID-19 vaccination card.

Gawas niini, gidugang usab sa kalihim nga kinahanglan nga mosunod pa gihapon sa minimum public health standards ang mga senior citizen.

“The IATF likewise allowed the movement of fully vaccinated senior citizens in areas under General Community Quarantine and Modified General Community Quarantine, subject to presentation of a duly issued COVID-19 vaccination card, and strict observance of the minimum public health standards,” pahayag pa ni Roque.

Matud pa sa kalihim nga limitado pa gihapon ang lihok sa mga senior citizen sa ilang zone lamang ug gidili pa gihapon ang interzonal travel, gawas na lamang sa point-to-point travel nga una nang gitugotan sa IATF.

“The movement of fully vaccinated senior is, however, limited to travel within their zone as interzonal travel is still prohibited, except for point-to-point travel that was previously allowed,” pahayag ni Roque.

Huwebes, Abril 10, 2021, sa dihang nagpulong ang IATF-EID kalabot niining isyu.

Sa ika-16 sa Hunyo pa kini padayong tugotan sa gobyerno agi og pagsunod sa pulong sa IATF. (ecb/PIA7-Bohol)

Huwebes, Abril 10, 2021, sa dihang nagpulong ang IATF-EID diin gituki ang isyu nga nagtugot na sa mga fully-vaccinated senior citizen nga naa sa mga lugar nga ubos sa GCQ ug MGCQ nga makagawas sa balay sugod sa Hunyo 16.