Duol sa katunga sa mga medical

frontliners kompleto nas bakuna

TAGBILARAN CITY, June 11,(PIA) – Mi-abut na sa 67.9 % o subra na sa katunga sa mga rehistrado nga health workers nga nagtrabho sa medical front lines ang nabakunahan, ug gani, duol na usab sa katunga ang nakakompleto na sa ilang ikaduha nga tupokan.

Kini sumala sa natala sa Inter-agency Task Force sa Province of Bohol, sa iyang taho niadtong Hunyo 11, 2021.

Matud sa taho, aduna nay kinatibuk-ang 42,949 sa A1 priority group (Medical Frontliners) sa Bohol nga bakunahan.

Sa ikaduha nga Priority Group nga mga Senior Citizen nga titumbok sa mga tinugyanan sa nasud sa pagpadagan sa bakuna, aduna usay kinatibuk-ang 115,845 nga target nga bakunahan dinhi sa Bohol.

Niining kadaghanon, 9.9% na ang nabakunahan sa una nga tupokan, ug wala pa matala ang fully immunization sanglit, wala pay nahatagan sa ikaduhnag dose sa A2 priority group.

Ang mga naay mental/physical illnesses (A3 Priority Group o individuals with comorbidities) sa Bohol, adunay kinatibuk-ang nalista nga 31,927 nga target sa pagbakuna.

Niini, 6.7% ang nahuman nag bakunasa una nga tupokan, apan wala pa usab bisag usa nga nahatagan sa ikaduha nga tupok nga makapahimo kanilang fully immunized. (Mae Ann Grace C. Rubia/PIABohol Intern)