Kompletuhon ang ikaduhang

tupokan, pahimangno sa DOH

TAGBILARAN CITY, June 10 (PIA)— Nagpahimangno ang Department of health (DOH) sa publiko ug labi na usab niadtong nakadawat na sa bakuna nga nasipyat sa ilang eskidyul sa ikaduha nga tupokan, nga kompletuhon ang ilang ikaduhang dosis sa coronavirus disease (COVID 19) nga bakuna sama sa gitakda.

“Sumala sa National Covid 19 Vaccination Operation Center, napakita nga 9% pesyento sa mga tawo, nalangay sa pagkuha sa ikaduha nga dosis.

Kasagaran nga hinungdan sa paglangan, mao ang pagkasakit sama sa gibutyag sa usa ka tawo nga positibo sa virus, hapit sa 113,00 nga indibidwal usab kini,” butyag ni ni DOH Spokesperson Maria Rosario S. Vergerie.

Kini nga mga pagsusi gikan sa mga eksperto, magtanyag sa goberno sa opurtunidad nga makit-an ug mapatun-an ang mga datos, aron labi nga mapaayo pa ang kinatibuk-ang pagtuman sa nasudnon nga programa sa pagbakuna.

Gipasalig usab ni DOH Secretary Francisco T. Duque III nga kadtong wala makakuha sa ikaduha nga dosis sa bakuna, pahinumduman sila aron kompletuhon ang ila nga pagbakuna.

Kini, aron maprotektahan, dili lamang ang ilang kaugalingon apan lakip na usab ang ilang mga mahal sa kinabuhi, batok sa pagtakod sa Covid-19. (Ruffa Mae F. Evardo/PIABohol Intern)