Pagkuha’g safety seal, DOLE

Ngadto sa mga negosyante

TAGBILARAN CITY June 8 (PIA) -- Pwede na mo apply ang mga pribadong establisimento para sila mahatagan sa safety seal, isip pagmatuod nga sila nagpatuman sa minimum public health standard nga gehatag sa gobyerno alang sa ilang estbalisemento.

Kini usab maoy maghatag sa mga customer sa kompyansa nga sila luwas kon mosulod sa mga establisemento nga may safety seal.

Giawhag ni Labor Secretary Silvestre Belo III ang tanang establisimento nga kinahanglan niini nga bansayon ug sundon ang health protocols, sama sa social distancing ug pagamit sa contract-tracing application, ilabina sa StaySafe.PH, ug uban pa.

Si Bello naga ingon nga ang pagsunod sa health protocols, magahatag kini og dakong epekto para sa ekonomiya, kay ihatag niini ang siguridad sa mga empleyado bisan paman kon sila anaa sa gawas sa ilang panimalay.

Dugang niya’ng geawhag ang mga nanag-iya og negosyo sa pag tabang og hatag og siguridad aron mas molambo ang kumpyansa sa ilang kaugalingon ngadto sa publiko.

Ang Department of Labor and Employment (DOLE), maga issue sa certification para sa mga establisimento sa mga manufacturing, construction, utilities, information and communication, og warehousing industries.

Ang Department of Trade and Industry, Department of Tourism, Department of Interior and Local Governance, Philippine National Police, og sa kalain-laing mga local government units gehatagan usab sa autoridad sa pag issue sa safety seal. (Mae Ann Grace C. Rubia/PIABohol intern)