DILG mimandu: Siguraduhong permi

Lab-as ang datos sa Covid-19 VMS

TAGBILARAN CITY, June 8 (PIA) – Giawhag ni Department of the Interior and Local Government Spokesperson Local Government Units (LGU) ngadto sa mga Local Government Units (LGUS) nga siguraduhong regular ang pag-update sa ilang tagsa-tagsa ka mga datos sa Vaccine Monitoring System (VMS) aron maghatag kini sa tinuud nga hulagway sa nasudnon nga programa sa pagbakuna batok sa coronavirus disease (COVID).

Matod ni Malaya, kinahanglan mapadali ang pag-encode sa kinahanglan nga kasayuran aron ang National Government mas makahimo og saktong hukom kung diin ibutang ang sunod nga hugna sa mga bakuna.

Sa usa ka report nga gisumite sa DILG Central Emergency Operations Center (EOC) 444 ra (27.7 porsyento) sa kinatibuk-ang 1,634 ka mga syudad ug munisipyo ang nakakumpleto sa pag-encode sa ilang datos sa VMS.

Niining ihap, hapit sa 1, 190 ka mga LGUs ang napakyas sa pag-update sa ilang datos.

Matod pa ni Malaya nga kung dili ma-update ang kasayuran sa VMS mahimong mosangput sa ubos nga pag-deploy sa suplay, o ubos nga accomplishment, ug mga iregularidad sama sa giingon nga slot-for-sale. (Ruffa Mae F. Evardo/PIABohol intern)