Alang sa Miyerkules Santo

‘Work from home’ sa buntag,

Suspendido trabaho sa hapon

CORTES, Bohol, (PIA)—Work from home alang sa mga trabahante ug empleyado sa goberno, sa buntag sa Abril 16, Miyerkules Santo, samtang suspendido na gikan sa alas 12 sa udto ngadto sa hapon ang trabaho.

Kini subay sa Memorandum Circular No 81, nga gipagawas sa Malakanyang pinaagi ni Executive Secretary Lucas Bersamin, Abril 14, 2025.

Gihimo ang nahisgutan nga mga work arrangements aron kahatagan ang mga trabahante sa goberno sa husto nga opurtunidad da pagbyahe ngadto sa mga probinsya aron mahiluna ang paghandum sa Huwebes ug Biernes Santo, Abril 17 ug 18.

Hinuon, kadtong mga ahensya kang kinsa nga mga trabaho, nagtutok sa pagpadagan sa batakan nga serbisyo, serbisyo sa kasanihan, pagpangandam ug pagresponde sa mga katalagman ug emerhensya ug sa paghimo sa mga gikinahanglang mga serbisyo magpadayon sa ilang mga gimbuhaton, ubos usab sa kasagaran nga arrangements, segun sa Memorandum.

Sa laing bahin, alangs a mga trabahante sa pribadong sector, magdepende na sa ilang mga tagdumala kon unsa ang pamaagi nga sagopon, pahinumdom sa Memorandum. (PIABohol)