17 Bol-anon natakdan

sa HIV sa 3 ka buwan

TAGBILARAN CITY, Bohol (PIA)—Gikan sa Enero ngadto sa Marso niining tuig, mikabat na sa 17 ka mga Bol-anon ang nakakuha sa Human Immune-deficiency Virus (HIV) ug kini sila, natakdan dala sa pagpakighilawas.

Kini maoy kasayuran nga napalutaw didto sa Kapihan sa PIA, pinaagi ni Crisanta Estomago, medical technologist nga mipadayag sa mga datus kabahin sa gikahadlokan nga virus nga mangguba sa depensa sa lawas batok sa tanangs akit.

Ang HIV us aka kagaw nga mahimong makasulod sa lawas pinaagi sa walay panalipod nga pagpakighilawas,pagkasunod sa kagaw gikan sa inahan nga nia na niini ilabi na sa pagtotoy sa gatas sa inahan nga infected sa virus ug sa pagtapon sa kagaw pinaagi sa pagpulipuli og gamit sa dagum, pasabut ni Rayn Camartin.

Si Camartin, case manager ug HIV AIDS educator mismo sa Governor Celestino Gallares Memorial Medical Center (GCGMMC) mipasabut usab nga kon ang HIV mao nay maghari sa lawas, gub-on niini ang natural nga panalipod sa lawas, hinundan sa mas kuyaw nga kahimtang: ang Acquired Immune Deficiency Syndrome (AIDS), nga magpabilin sa klawas hangtud na sa kamatayon sa biktima.

Matud ni Estomago, sukad sa 1984 ngadto sa kasamtangan nga panahon, may natala na nga 185 ka mga nakakiha sa HIV pinaagi sa nagkadaiyang paagi sa pagpakighilawas.

Niini, gipadayag sa mga health professionals ang panginahanglan sa edukasyon, apar ipaabut ngadto sa mga kabataan ang lima ka mga pamaagi aron kalikayan ang kagaw.

Una, matud ni Camartin nga abstinence.

Ang abstinence maoy pili nga paglikay sa pagpakighilawas ilabi na kon dili nimo sinati.

Ikaduha ang panginahanglan sa pagkamatinud-anon sa imong kapares, aron makalikay sa delikado.

Ikatulo ang sakto ug permi nga paggamit sa personal nga panalipod kon makighilawas.

Ikaupat ang paglikay sa paggamit sa dtugas nga kasagran hinungdan sa mga daghang suliran.

Ikalima ang pagbaton sa saktong kasayuran, sayo nga pagpakisayud sa presensya sa kagaw ug sayo nga pagtomar sa mga anti-virals nga makakontrolars a pagpanakop sa HIV sa imong panalipod sa lawas, tambag ni Camartin. (PIA)

WALAY GIPILI. Gidason ni Rayn Camartin, case manager sa GCGMH nga ang HIV walay gipili mao nga angay lamang nga ang tanan magma-ampingon ug magpili sa ilang ikasiping, nuntan sa sakto nga panalipod aron makalikay sa sakit nga HIV AIDS. (PIABohol)